Siya miasoy nga ang duha ka mga bata naagian sa mga volunteer sa Israel sa Barangay Canagahan, lungsod sa San Remigio, Sugbo samtang nangita og lugar diin ibutang ang dalang water purifier.
Una silang gihiling sa tent hospital sa Bogo City nga gipabarog sa Israel alang sa ilang medical mission apan tungod kay kuwang ang ilang dalang kagamitan, nakahukom ang mga doktor nga adto ipahigayon sa ilang nasod ang operasyon sa duha ka mga bata.
Si Cresencia Lopez, 74, apohan nga baÂbaye ni Rex, misaysay nga andam na ang mga sinena sa iyang apo kinsa iyang gihulagway nga “excited†na sa maong biyahe.
Ang 9-anyos nga bata niisip sa maong libreng operasyon nga sayong Pinaskohan ug gasa sa iyang adlawng natawhan karong Enero 17, 2014.
“Nalipay ko kay maoperahan na ko. Advance Pinaskohan ug binirthdihan ni nako,†nagkanayon si Rex uban sa pahiyom dayon duko samtang naglingkod sa sofa sud sa buhatan ni Gobernador Hilario Davide III.
Si Rex, giubanan sa iyang lola samtang si Yanny, 12, giubanan sa iyang inahan nga si Jocelyn dihang miduaw sila sa Kapitolyo aron makigkita sa gobernador ug ni Bise Gobernador Agnes Magpale.
Ang duha pulos mga tinun-an sa Canagahan Elementary School sa San Remigio, Grade 3 si Rex ug Grade 4 si Yanny.
Linkback:
https://tubagbohol.mikeligalig.com/index.php?topic=76842.0
Topic: 2 ka bungi nga bata molarga sa Israel ugma aron operahan (Read 651 times)