Thursday, April 18, 2013
http://www.sunstar.com.ph/NAPISLOK ang mata sa computer technician human molapos ang bala gikan sa iyang tampihak sa dihang siya gipusil sa wa pa mailhing mamumuno samtang nakig-istorya sa iyang hinigugma sulod sa lawak nga gipuy-an.
Namatay diha-diha ang biktima nga si Karl Philip Mangubat, 24, ulitawo, taga- Ampalaya Village, Sityo Carajay, barangay Gun-ob, Lapu-Lapu City, samtang samdan ang iyang uyab nga si Gina Virtudazo, 24, production worker sa Pentax sa Mactan Export Zone (MEZ) 1, lumolupyo sa Sityo Lawis, Barangay Babag.
Matod ni PO2 John Carlo Jocutan sa Homicide Section sa Lapu-Lapu City Police Office (LLCPO) nga niadtong Miyerkules sa alas 8:30 sa gabii, si Mangubat diha sa lawak ni Virtudazo nga nagkalingaw og istorya.
Si Jocutan niingon nga sa ilang imbestigasÂyon, nitumaw nga si MaÂngubat naglingkod sa lingkuranan duol sa pulÂtahan samtang si Virtudazo naghigda.
Ang lawak nagsilbi nga extension sa balay sa mga ginikanan ni Virtudazo sa sityo Lawis, diin mopahuway sa makadiyot si Mangubat gikan nagkuha sa iyang hinigugma gikan sa trabaho.
Linkback:
https://tubagbohol.mikeligalig.com/index.php?topic=72041.0