Sa dihang rikisahon na unta ni Violeta Ansigbat, external security officer, wa na kini magparikisa ug nidagan dala ang plastic nga kolor puti nga gituohang maoy gisudlan sa kuwarta.
Gisusi sa iyang mga kauban ang vault ug didto ilang napalgan nga abli na kini ug wa na diha ang sulod nga kuwarta hinungdan nga dali silang nanawag sa kapulisan.
Si Mario Malaluan, laing sikyu, maoy nipahibawo sa kapulisan mga ala 1:20 sa kaadlawon.
Atol sa pag-respondi sa kapulisan, ila pang naabtan ang nagpasad nga kuwarta sa karsada.
Sa ilang imbestigasyon, ang suspek nisakay og taxi dayong sabwag sa kuwarta aron maglisod pagsunod ang mga ninggukod kaniya.
Nasayran sa kapulisan nga si Urian dugay nang nagtrabaho sa Pagcor sukad pa niadtong 2008 mao nga ila na kining gisaligan.
Ang mga sakop sa Investigation Detective Management Branch sa MCPO pinangulohan ni Chief Insp. Michael Anthony Bastes nga nihimo og follow-up nakakuha og impormasyon nga mo usa na ka buwan nga wa na mopauli sa ilang balay sa Barangay Cubacub ang suspek.
Lakip sa ilang gisusi kon wa ba kiniy kunsabo atol sa iyang pagpanguhag kuwarta.
Hinuon sa nakita nga footage sa closed-circuit television camera sa Pagcor nagpakita nga nagbinugtong ra ang gikatahapan pagkuha sa kuwarta dayong sulod sa plastic, matod sa kapulisan.
Gipatik sa mantalaang SuperBalita Cebu Hulyo 16, 2012.
Linkback:
https://tubagbohol.mikeligalig.com/index.php?topic=52681.0
