Sunday, January 16, 2011
GIPAMUGOS sa 16 anyos nga dalagita nga siya gihubog ug gilugos niadtong Sabado sa kadlawon sa Tulay Semento, Agora, Lapasan ning siyudad sa Cagayan de Oro.
Si Shiela, dili tinuod nga ngalan, residente sa Corrales Extension ning siyudad ang nakita sa usa ka trisikad driver nga hubog ug wala nay panimuot hinungdan nga gitabangan ug gidala sa Northern Mindanao Medical Center (NMMC).
Napuno sa tsikinini ang liog sa biktima, nagkagisi-gisi ang sinina ug labihan ka hubog nga gidala sa driver sa sikad nga mao si Glenn Obarco.
Dihang gidala ug giobserbahan na si Shiela sa mga doctor kalit kining nakamata ug nagpatabang ug niasoy nga siya gilugos sa dili niya kaila nga mga lalaki.
Tungod niini, nanawag ang mga sakop sa NMMC ngadto sa Police Station 3 (PS3) sa Agora aron maibestigahan ang biktima.
Si PS/Insp. Elmer Rubas, hepe sa PS3 nibutyag sa Sun.Star Superbalita nga dili pa nila masulti kung positibong gilugos ang biktima tungod kay wala pay resulta sa medical examination niini nga gikatakdang moguwa karong adlawa.
Dako ang pagtuo sa mga polis nga posibleng gilugos ang biktima tungod sa mga kiss mark niini gawas pa nga hubog kini ug gituohang gisakyan sa panahon.
Gibutyag sa nakakita niini nga unang nakita ang biktima nga gisakay sa usa ka motorsiklo ug gipakanaog tungod sa usa ka tindahan. Pipila ka minuto luya na kayo ang biktima ug deretsong nawad-an sa panimout.
Ang kaso padayon pang giatiman sa Womens and Children Protection Desk sa PS3 sa Agora. (Stephanie V. Berganio)
Gipatik sa mantalaang SuperBalita Cagayan de Oro Enero 17, 2011. Linkback:
https://tubagbohol.mikeligalig.com/index.php?topic=36669.0
