Ang maong pedicab driver sumala pa wala dayon makatingog apan samtang nagtan-aw sa panagway sa maong estudyante maoy nakita ang hitsura sa anak niyang babaye nga ka-edad lamang sa pasahero.
Matud pa nga ang maong driver dali nga mihimo sa pagpaatras sa gimanehong pedicab ug gibiyaan ang estudyante dungan sa pagpamulong, "Ayuha ang imong pagtuon, Day, ayaw pag-ingon ana."
Sa dugang pagpanubay nga gihimo sa Superbalita, nasayran nga may pipila ka mga tunghaan sa maong lungsod nga may mga estudyante nga sekretong nagahimo og sideline gamit ang kaugalingong lawas aron nga masustentohan ang ilang mga panginahanglanon sa kaugalingon ug pag-eskuwela.
"Uso naman na karon, ikaligo ra na pagkahuman. Ang importante may moabaga sa among galastuhan sa tunghaan, labi na sa mga kinahanglanon nga dili makaya ihatag sa ginikanan," pamahayag sa usa ka 18-anyos nga estudyante kinsa wala magpabutyag sa matuod nga pangalan. (Dexter T. Visitacion)
Linkback:
https://tubagbohol.mikeligalig.com/index.php?topic=78900.0
