Ang unang unom ka mga tinun-an nga giingong nasudlan ang nagpunay na lang og hilak ug sabasaba.
Duha nila ang gidala sa Cebu City Medical Center samtang ang uban naulian ra usab.
Gitambagan sila nga mangayo og pasaylo sa ilang pagsabasaba atol sa camp fire apan dihang niadto na sila sa punoan sa caimito, giingong nakakita sila og gamay nga tawo nga daw usa ka dwende, asoy ni Cabellon.
Kagahapon sa buntag, laing tulo ka mga tinun-an ang giingong nasudlan usab og dautang espiritu human giingong makakita og usa ka white lady.
Pagka alas 4:00 sa hapon, laing unom na usab ka mga estudyante, usa ka nila ang unang nasudlan niadtong Sabado sa gabii, ang giingong misiyagit ug mihilak sud sa classroom.
Tulo kanila ang gidala sa Mary’s Little Children Community sa Barangay Tabunok, siyudad sa Talisay samtang ang usa gidala sa usa ka tambalan sa Bayanihan, Basak Pardo samtang ang uban naulian ra.
Si Cabellon, nagduda kon nasudlan ba ang mga estudyante og dautang espiritu tungod kay nagpunay ra man sila og hilak ug wa mausab ang ilang tingog sama sa mahitabo sa usa ka tawo nga napossess.
“Sige lang sila og hilak. Dili bitaw pareho sa sine nga atong makit-an nga mag-usab-usab ang tingog unya isog kaayo.†saysay niini sa Sun.Star Superbalita kagahapon.
Linkback:
https://tubagbohol.mikeligalig.com/index.php?topic=75720.0
