Saturday, February 21, 2015
USA ka Australian national ug iyang kapuyo nga Pinay gipangdakop human giingong sila nalambigit sa rape ug human trafficking sa dakbayan sa Bogo, Sugbo.
Sila gipasanginlan nga nipugos sa 14 anyos nga batang babaye nga makig-sex sa langyaw atubangan sa iyang inahan, nga nahitabo sulod sa ilang giabangang balay sa subdivision sa Brgy. Taytayan.
Si PO3 Gleselda Claro, hepe sa Women and Children Protection Desk (WCPD) sa Bogo City Police Station, niingon nga ang magtiayon gidakop human nitaho si Rica (di tinuod niyang ngan) ngadto sa pamilya sa iyang amahan sa Medellin niadtong Huwebes.
Ang babayeng kapuyo sa langyaw maoy inahan ni Rica.
Ang iyang mga ginikanan nagbuwag. Nagpuyo siya uban sa iyang inahan nga si Diana, 34, ug kapuyo nga si Kenneth, 59, nga dunay relasyon sulod na sa duha ka mga tuig.
Gipugngan sa Sun.Star Cebu ang ilang mga ngan aron mapanalipdan ang identity sa babayeng biktima.
Linkback:
https://tubagbohol.mikeligalig.com/index.php?topic=79535.0