Ni Guam P. Logroño
Tuesday, February 17, 2015
PINTOR gipusasan human giingong gilugos ang iyang 13 anyos nga pag-umangkon niadtong Lunes sa ala 1:00 sa kaadlawon sa Barangay Guiwanon, Argao, Sugbo.
Si Romy (di tinuod niyang ngan), 51, minyo, gipusasan sa mga sakop sa Argao Police Station human ang biktima nga si Jenny (di tinuod niyang ngan), tinun-an sa high school, nitug-an sa iyang inahan niadtong Lunes sa alas 8 sa buntag sa gibuhat sa iyang uyoan kaniya.
Mga ngan sa biktima ug suspek gipugngan ning mantalaan.
Si PO3 Ivy Catipay, chief sa Womens and Protection Desk (WCPD) sa Argao Police Station nga nahinabi sa Sun.Star Superbalita, nagkanayon nga si Jenny natulog sa kwarto uban sa iyang mama.
Sila nipuyo sa balay ni Romy kay ang asawa niini tua sa gawas sa nasud nga maoy igsuon sa inahan ni Jenny.
Sila si Jenny ug ang iyang inahan diha sa usa ka kwarto, apan wa sila magtupad sa pagkatulog sa katre.
Mga ala una pasado sa kaadlawon, nabantayan ni Jenny nga dunay bug-at nga nipatong kaniya ingon man kamot nga nitabon sa iyang baba.
Linkback:
https://tubagbohol.mikeligalig.com/index.php?topic=79524.0