MikeLigalig.com

Ni Guam P. Logroño ug Joseph Elvir C. Tubilan
Thursday, August 18, 2011


NAGKADINA ang kamatayon sa 12 ka mga tawo human ang nga ilang gisakyan ug gikargahan sa lungon sa usa ka patay nga padulong nilang ilubong nalimbuwad kagahapon sa ala 1:10 sa hapon sa bukirang bahin sa Barangay Balaw, lungsod sa Barili, Sugbo.

Walo ang nangamatay diha-diha, apan niabot kini og 12 sa pagsuwat ning taho human mangamatay ang laing upat ka mga biktima sa lainlaing mga tambalanan.

Ang nangamatay giilang sila si Napoleon Agidor, 37; Efipanio Angana, 60; Cirilo Escarpi, 40; Jerry Grepo; Boy Repunte; Rosendo Recaplaza; Herbacia Paragosa; Ariel Yek, 17; ug Jamie Recaplaza, 27.

Ang ubang mga ngan sa nangamatay wa pa makuha sa pagsuwat ning taho.

Sagad sa nangamatay nakaangkog grabing kadaot sa ilang ulo, ingon man bali sa kalawasan dihang nangapiit atol sa pagkadisgrasya.

Ang mga biktima gikan sa bukirang lugar sa Barangay Kangdampas sa mao nga lungsod nga maghatod unta sa haya ni Tranquilina Jagbil, kapin sa 70 anyos, aron ilubong sa sementeryo sa lungsod.

Si PO3 Job Sarvida, desk officer sa Barili plice station nga nahinabi sa Sun.Star Superbalita, nagkanayon nga ang mga biktima nagsakay sa six-wheeler truck (SHW-781) nga gipanag-iya sa munisipyo sa Barili nga gimaniho ni Alwin Bayno, 37, minyo taga Barangay Luto.

Samtang padulong sa sementeryo ang mga biktima sakay sa trak de karga samtang ang lungon nga gisudlan sa lawas ni Jagbil ila usab nga gisakay.

Sa ilang pagdulhog sa karsada sa Barangay Balaw, kalit lang nabasiyo ang brake sa sakyanan hinungdan nga nawad-ag control sa manobela si Bayno ug nabulintang ang sakyanan.

Sumala pa ni PO3 Sarvida nga mga 200 metros ang gisubay sa trak de karga nga nag-ikis-ikis sa pagdulhog sa karsada hinungdan nga pag-abot sa ubos maayong pagkatumba.

Ang lungon nalagpot samtang ang uban nga mga pasahero nga gibanabanang moabot sa 70 nangapiit.

Ang uban niini nangalagpot tungod sa kakusog sa impact.

Walo ang nangamatay diha-diha samtang ang uban dead-on-arrival sa mga tambalanan.

Hinuon, si Bayno bulontaryong mitahan sa kapulisan sa Barili,samtang ang mga biktima gidala sa Barili District Hospital u gang uban gibalhin sa Vicente Sotto Memorial Medical Center (VSMMC). -- More at: http://www.sunstar.com.ph/superbalita-cebu/balita/2011/08/18/12-patay-59-angol-sa-aksidente-173909



Linkback: https://tubagbohol.mikeligalig.com/index.php?topic=42991.0

Imbis mohatod ra unta...

Linkback: https://tubagbohol.mikeligalig.com/index.php?topic=42991.0

Hmm, unsa kaha kon nangambak na lang ang mga pasahero...

Linkback: https://tubagbohol.mikeligalig.com/index.php?topic=42991.0

Gawas sa aksidente, gikinahanglan pang ibalhinbalhin og tulo ka mga sakyanan ang iyang lungon una pa gyud nalubong.

Human nalimbuwad ang trak, gibalhin kini sa usa ka laing sakyanan sa lungsod sa Barili.

Apan ang sakyanang Porter napalyar na sab human mo-overheat ang makina niini.

Nadala ra gyud hinuon kini sa sementeryo human gibalhin sa laing sakyanan sa lungsod hinungdan nga nalubong niana nang mga alas 3:30 sa hapon niadtong Huwebes.

Samtang, usa ka Dionesia Escapi, kansang anak nga si Cerilo lakip usab sa namatay ug paryente ra usab ni Diagbel nibutyag nga niana palang nga buntag nakabantay na siyag di maayong tilimad-on.

Ang ilang gilung-ag nga usa ka kaldero alang sa pagkaon sa mga tawo nayabo.

Matod niya nga di kini maayong tilimad-on kon ibase sa kinaraan nga mga pagtuo.

Gawas niini, ang mga bukag nga butangan sa kan-on iya usab nga nakit-an nga gilut-od lut-od sa pag-butang.

“Unya kana kunong imong ilut-od og butang, laksot man na, ”asoy ni Dionesia

Iya usab nga nakit-an ang butanganan sa limos nga gibalhinbalhin sa pagbutang.

Gikan sa atubangan gibalhin na usab sa luyo.

Siya nipasabot nga kon buot subayon sa karaan, di mahimong kini balhin-balhinon. -- Gipatik sa mantalaang SuperBalita Cebu Agosto 20, 2011.

Linkback: https://tubagbohol.mikeligalig.com/index.php?topic=42991.0

Hmm, yayong relay tingali iyang gusto...

Linkback: https://tubagbohol.mikeligalig.com/index.php?topic=42991.0

pang-prisaa o olympics?  either way, ang distansiya di mausab.

Linkback: https://tubagbohol.mikeligalig.com/index.php?topic=42991.0

Nakaingon tingali nga last wish na man lang, di na lang ang-angon...

Linkback: https://tubagbohol.mikeligalig.com/index.php?topic=42991.0

Di ba kaha pwede compromise na lang: yayongan gihapon ang lungon pero ang nagyayong gasakay sa trak de karga...

Linkback: https://tubagbohol.mikeligalig.com/index.php?topic=42991.0

Minatay gibasol sa anak  
(Banat) Updated August 22, 2011 12:00 AM 


CEBU, Philippines - Ang minatay nga gihatud paingon sa sam-ang nga gisakay sa   usa ka trak de karga nga nadisgrasya niadtong Huwebes didto sa barangay Balao, lungsod  sa Barili gibasol sa iyang anak.

Si Josefina Recaplaza, anak ni Tranquilina Emit, nga maoy gihatod ngadto sa menteryo niadtong Huwebes, nagkanayon nga kun wala pa unta ang patay’ng lawas sa iyang inahan isakay sa de karga dili unta mamatay ang iyang duha ka anak ug pagkaangol sa laing usa.

Si Recaplaza maoy inahan ni Rosendo ug Jimmy Recaplaza nga nakalas usab sa maong hitabo, samtang ang lain niyang anak nga si Christian, nasalbar sa maong trahedya apan angol.

Nasayran usab nga human maligid sa lupot ang de karga kay nawad-an og preno, diin namatyan og 10 ka pasahero ug 50 usab ang naangol, gibalhin og laing sakyanan ang lungon ni Emit niadtong higayona, apan gidimalas gihapon ang nahisgutang sakyanan kay nasunog kini sa karsada gumikan sa short circuit.

Busa gibalhin na usab kini og laing sakyanan una makaabot ngadto si Emit sa iyang lubnganan.

Matud pa ni Recaplaza nga daan nang nanugon si Emit nga kun mamatay siya dili siya pakarga sa sakyanan kay gusto niyang bayongan lang ang iyang lungon ngadto sa sam-ang.

Kagahapon sa hapon gidungan paglubong ang tanang nakabsan sa kinabuhi sa sam-ang publiko sa barangay Poblacion human sa misa nga gipahigayon didto sa Saint Ann Shrine sa Poblacion.

Ang kaguliyang sa hilak ug mga bakho sa mga tagtungod maoy milanog sa dalan nga giagian sa mga minatay. - Brenda D. Batuto ug Ria Mae Y. Booc sa The Freeman


Linkback: https://tubagbohol.mikeligalig.com/index.php?topic=42991.0

pulos patuo-tuo unta kon mopanaw padayon mag-inusara  dili mangamong kabadlongon nga lola

Linkback: https://tubagbohol.mikeligalig.com/index.php?topic=42991.0

Naangol sa Barili gitabangan
Ni Darrel Carumba/EIM (Banat) Updated September 04, 2011 12:00 AM Comments (0) View comments

CEBU, Philippines - Pormal nga gidawat sa gibanabanang 20 ka mga biktima nga apil sa naangol sa nahitabong
pagkalimbuwad sa trak de karga sa barangay Balao lungsod sa Barili ang hinabang pinansiyal gikan sa lungsod
niadtong Biyernes sa buntag didto sa munisipyo sa buhatan ni Mayor Teresito Mariñas.

Ang 20 ka mga biktima gihatagan og tag P2 mil nga hinabang pinansiyal, giklaro hinuon ni Mariñas sa Banat News
 nga mga minor injuries lang ang natagamtaman sa mga biktima.

Ang mayor una nang mitunol og tag P3 mil niadtong 16 ka mga biktima nga nalandig sa Vicente Sotto Memorial Medical
 Center samtang tag P5 mil usab ngadto sa mga kabanay sa napulo ka mga namatay sa trahedya.

Hinuon miabag usab sila si Kong. Pablo John Garcia ingon man si Gobernador Gwendolyn Garcia sa mga kabanay sa mga biktima.

Ang maong trak paingon untang maghatud sa lubong sa minatay dihang nawad-an og brake ug nalimbuwad.   - (BANAT NEWS)

Linkback: https://tubagbohol.mikeligalig.com/index.php?topic=42991.0

hinaot unta.  naa man goy mga politiko nga i-publicize ilang charity kunohay unya diay kwarta sa gobyerno.  suma ba god kun diin gi-charge ni ate glo ang iyang mga "donations"...

Linkback: https://tubagbohol.mikeligalig.com/index.php?topic=42991.0