Ni Joseph Elvir C. Tubilan
GIPASANGINLAN ang amahan sa iyang 12 anÂyos nga anak nga giunay siya sa paglugos niini mosobra na sa duha ka tuig ang nakalabay diha sud sa ilang pinuy-anan sa lungsod sa Minglanilla, Sugbo.
Ang biktima nitug-an sa iyang inahan ug ang naulahi nidala sa bata sa kapulisan aron pagpa-blotter alang sa pagpasaka sa kaso.
Check our new look and tell us what you think.
Ang bata niasoy nga nagtungha pa siya sa Grade 6 dihang gisugdan sa paghilabot sa iyang amahan ang iyang pagka-babaye.
Ang kaso gipadaÂngat sa Cebu Provincial Prosecutor’s Office, diin nirekomendar nga mag-atubang sa kasong qualified rape ang amahan ngadto sa korte.
Di makapiyansa ang suspek ning kaso nga gipasaka batok kaniya.
Si Maria (tinuod nga pangalan gipugngan), kamaguwangan nga anak sa suspek, nisaysay nga dihang nangatug na sila uban sa iyang upat ka mga igsuon nahibulong siya kay kalit nga nitupad ang iyang amahan kaniya.
Ang sunod nga nahitabo gikasurprisa niya kay kalit nga nigakos kaniya ang iyang amaÂhan ug dihang nangutana siya nganong anaa ang presensya sa ilang gihigdaan apan gitubag siya nga “ayaw og saba og di ka gusto nga mamatay.â€
Iyang gitumbok nga sa iyang kahadlok, wa na siya makahuna-huna nga mosiyagit aron mangaÂyog tabang sa linuog nga gibuhat sa iyang amahan.
Nibutyag siya nga gihikap sa suspek ang nagkadaiyang parte sa iyang lawas ug nilampos kini sa pagkuha sa iyang kaputli.
Namahayag si Maria nga ang naasoyng insidente mao ray iyang mahinumduman ug ubang higayon nga gihilabtan di na siya makahinumdom sa mga petsa niini.
Nidugang siya nga sukad niadto kanunay nga hikapon ang mga pribadong parte sa iyang lawas sa iyang amahan ug pakit-on pa siya sa kinatawo niini.
Ang suspek gipadalhag supena sa piskaliya ning gisang-at nga reklamo kaniya apan napakÂyas siya sa pagtubag niini.
Kay napakyas siya sa pagsumiter sa iyang counter-affidavit hinungdan nga giresolbar ning kaso base sa ebidensya nga gipresentar sa biktima.
Base sa ebidensya nga nagpresentar, ang piskaliya nihukom nga mag-atubang sa kasong pagpalugos ang suspek.
Gipatik sa mantalaang SuperBalita Cebu Septembre 24, 2012.
Linkback:
https://tubagbohol.mikeligalig.com/index.php?topic=55071.0
