USA ka 12-anyos nga batang lalaki ang napalgang nagbitay sud sa payag human naghikog gamit ang pisi kay gikasab-an sa amahan nga wala matugway ang ilang kabaw.
Alas 7:30 sa buntag niadtong Martes, suma sa report sa kapulisan, napalgan ang patay nga lawas ni Christian (bansagon gitago sa SuperBalita), 12, nagpuyo sa Purok Crossing, Barangay Tagakpan, Tugbok District, dakbayan sa Davao.
Sa inisyal nga imbestigasyon ni Police Office 3 Felix C. Pabroa sa Toril Police Station nasayran nga suma sa iyang amahan, nakasab-an niya ang iyang anak kay wala matugway ang kabaw.
Pipila ka oras, ang biktima napalgan nga nagbitay sa usa ka payag nga wala nay kinabuhi.
Ang patay nga lawas sa biktima anaa na gihaya sa ilang panimalay sa Tagakpan. (JPC)
Gipatik sa mantalaang SuperBalita Davao Nobiembre 19, 2015.
Linkback:
https://tubagbohol.mikeligalig.com/index.php?topic=81409.0
