Author Topic: Maestro nanari mao hinuoy gidabodabonan og labok sa kontrang manok patay (Read 993 times)

hubag bohol · « **on:** December 22, 2011, 07:39:03 AM »

Maestro gitipi sa manok nga gitari
Ni Guam P. LogroÃ±o
Wednesday, December 21, 2011

MAESTRO namatay sa miaging hapon sa samad sa buwang sa manok nga gitari nga nilabok kaniya sulod sa roydahan sa usa ka tigbakayan sa Sityo San Isidro, Brgy. Perrelos, dakbayan sa Carcar.

Ang biktima maoy niluwat sa iyang manok, apan kontra niining manok didto mopuntariya kaniya inay ang iyang manok nga gibuhian.

Si Faviano Macasero, 53, minyo, taga Sitio Anonang, Barangay Liburon sa mao nga dakbayan, nagtudlo sa grade 1 ug grade 2 sa Liburon Elementary School, namatay pipila ka gutlo sukad sa pag-abot sa Carcar District Hospital.

Si Macasero nakaangkon og lawom kaayong samad sa tuo niyang bitiis gikan sa buwang nga laâ€™ kaayo hinungdan sa iyang kamatayon.

Apan sa wa pa manari ang biktima, matod sa mga tawo nga nagmireda na kining daan sa iyang mga tinun-an atol sa gipahigayong Christmas party nianang udto niadtong Martes.

Kini maoy gibutyag sa iyang higala ug silingan nga si Nemesio Delima, treasurer sa Barangay Liburon, dihang nahinabi sa Sun.Star Superbalita, kinsa na shock dihang nahibawo sa insidenti.

Matod ni Delima nga samtang nagpahigayon og Christmas party sa eskwelahan ang iyang higala, nipadangat pa kinig mensahe ngadto sa iyang mga tinun-an nga magtinarong sa pag-eskwela.

â€œMiingon daw ni siya `mga bata nga kamo ha, tuon gyud mo pagmaayo. Pagtarong sa pag-eskwela kay inyo ning kaugmaon,â€ kutlo ni Delima sa panugon sa biktima ngadto sa iyang mga tinun-an.

Linkback: https://tubagbohol.mikeligalig.com/index.php?topic=44894.0

hubag bohol · « **Reply #1 on:** December 22, 2011, 07:40:59 AM »

Human sa party, nipauli sa ilang balay ang biktima una pa niadto sa tigbakayan sa Perrelos aron manigbakay.

Namusta na kini sa mga manok nga gitari ug gisuwerte kay kutob sa iyang gipustahan nga manog igtatari, nidaog man.

Wa magdahom ang iyang higala nga maoy labkan sa kontra sa iyang manok kay iya na man kining giluwatan.

Apan sa iyang pagtalikod aron unta molingkod sa luyo aron motan-aw sa panagkombate sa duha ka mga manok, wa siya makabantay nga nipadulong kaniya ang manok nga kontra.

Bisan sa iyang kakugang tungod sa kakalit sa hitabo, nakalihay pa siya sa unang pag-atake sa manok kaniyang dunay tari.

Apan sa ikaduhang paglabok, nitaroy sa iyang bagtak ang hait kaayong buwang hinungdan nga napalingkod siya nga nagkupot sa iyang samad.

Gitabang gilayon siya sa iyang mga kauban ug gidala sa gawas sa roydahan samtang nagpadayon ang sultada bisan sa hitabo.

Dihang gigawas na siya gikan sa roydahan, nakuyapan hinungdan nga gidali sa pagdala paingon sa tambalanan.

Gihulagway ni Delima nga maayong tawo ang biktima ingon man may pagkakomedyante.

Nagbilin kini sa iyang asawa nga maestra ug mga anak.

Samtang si SPO3 Jorame Tanudtanud, imbestigador sa Carcar police nga nahinabi sa Sun.Star Superbalita, nagkanayon nga ang tigbakay legal kay gipahigayon kini subay sa kapistahan

Ang biktima maoy nibuhi sa iyang manok diha sa tigbakayan.

Matod ni Tanudtanud nga maldito ang kontrang manok tungod kay dihang nakita niini nga may pagka-camouflage ang karsones nga gisul-ob sa biktima, mao kini gilabkan.

Wa na makapadayon sa pagtan-aw sa iyang manok ang biktima sanglit gidala na man kini sa iyang mga higala sa Carcar District Hospital, apan tungod sa kala sa subo sa buwang namatay gyud siya. --Gipatik sa mantalaang SuperBalita Cebu Desiembre 22, 2011.

Linkback: https://tubagbohol.mikeligalig.com/index.php?topic=44894.0

hubag bohol · « **Reply #2 on:** December 22, 2011, 07:43:31 AM »

Maestro napatay sa manok
Ni Darrel Carumba (Banat) Updated December 22, 2011 12:00 AM

CEBU, Philippines - Namatay ang usa ka maestro human kini maoy kini atol sa kapistahan sa sitio San Isidro barangay Perrelos siyudad sa Carcar niadtong Martes sa alas 3:45 sa hapon.

Ang biktima mao si Pabiano Alesna Macasero, 53, nagpuyo sa Villa Anonang barangay Liboron ug maestro sa Liboron Elementary School.

Matud ni PO3 Vicente Garces sa Carcar City Police Station dihang nahinabi sa Banat News ang maong maestro gikatahong nanari sa gipahigayung tigbakay sa maong lugar.

Matud pa ni Garces nangunay ang maestro og buhi sa manok niini sulod sa ruwedahan apan sa dayon na niyang pagbuhi sa manok siya maoy giatake sa manok sa iyang kaatbang.

Sumala pa nga kalit nga mi-cutting padulong kaniya ang manok ug siya maoy gidabodabohan og labok.

Sumala pa sa ilang nakuhang impormasyon tulo ka higayun nga gisyapolan si Macasero diha sa iyang tuong tiil nga maayong pagkaigo sa hait nga buwang ug nag-awas-awas ang dugo.

Wala dayon makatabang ang mga tawo diha sulod sa rwedahan kay nangahadlok ug nag-iyahay og panagan ug ang uban mikatkat aron makalikay sa duha ka armadong manok.

Tungod sa pagsige og syapol sa manok kang Macasero nahagit usab ang manok sa biktima nga iyaha nang nabuhian ug daw agi og panimalos gikusokuso niini ang maong manok nga miatake sa iyang agalon.

Sumala pang Garces bisan nagkaguliyang na ang mga tawo aron kuhaon ug mapagawas si Macasero sa ruwedahan gipunayan usab og syapol sa manok sa biktima ang kontra hangtud nga iya kining napatay.

Si Macasero gihatud dayun sa tagdumala sa maong ruwedahan sa Carcar City District Hospital apan dangtan og pipila ka gutlo namatay kini samtang gitabang sa mga doktor.

Midaog man tuod ang manok ni Macasero apan napildi gihapon ang kinabuhi niini. Gidudahan nga nahutdan sa dugo si Macasero nga maoy nakaingon sa iyang kamatayon.(/EIM) (BANAT)

Linkback: https://tubagbohol.mikeligalig.com/index.php?topic=44894.0

hubag bohol · « **Reply #3 on:** December 22, 2011, 07:45:25 AM »

Tungod sa pagsige og syapol sa manok kang Macasero nahagit usab ang manok sa biktima nga iyaha nang nabuhian ug daw agi og panimalos gikusokuso niini ang maong manok nga miatake sa iyang agalon.

...

Midaog man tuod ang manok ni Macasero apan napildi gihapon ang kinabuhi niini. Gidudahan nga nahutdan sa dugo si Macasero nga maoy nakaingon sa iyang kamatayon.(/EIM) (BANAT)

Linkback: https://tubagbohol.mikeligalig.com/index.php?topic=44894.0