Ni Bong Soriano/EIM (Banat) Updated May 29, 2011 12:00 AM
CEBU, Philippines - Usa ka bagitong polis nga nadestino sa Mandaue City Police Office ang giakusahan sa usa ka 18-anyos nga babaye nga milugos kaniya atol sa ilang pag “eye ball†o panagkita sa dakbayan sa Mandaue.
Ang biktima nga si Anna (tinuod pangalan gipugngan) residente sa dakbayan sa Mandaue tinun-an sa kolehiyo, samtang ang gitumbok nga responsable mao si PO1 JC (tinuod pangalan gitago hangtud wala pay kasong gipasaka) residente sa Bakilid dakbayan sa Mandaue nga usa ka Field Training Police (FTP) nga nadestino sa MCPO.
Si Anna uban sa iyang uyoan nga retiradong polis midangop sa Women’s Desk sa MCPO ug miakusar nga ang pagpanglugos nahitabo niadtong unang semana sa bulan sa Abril.
Matud pa ni Anna nga nag ‘eye ball’ sila sa maong polis nga iyang nakaila pinaagi sa chat sa internet ug sa ilang unang panagkita nag-inom sila apan gibati siya og kalipong.
Sa pagmata ni Anna dako ang iyang kahibulong nga anaa na sila sud sa usa ka motel nga wala nay mga sapot, wala dayon siya makasumbong tungod sa kabalaka.
Hangtud nga human sa usa ka buwan misumbong siya sa retiradong polis nga uyoan kinsa maoy mikuyog kaniya sa police station.
Samtang sa pakighinabi sa Banat News sa suspek hugtanon kining mihimakak sa alegasyong iyaha kining gilugos tungod kay alang kaniya pulos ilahang kabubut-on ang nahitabo tungod kay aduna silay relasyon.
Matud pa niini nga ang iyang gikasagmuyo mao nga ang igsuon ug iyaan sa reklamante mibungat og kantidad nga P30 mil bugti sa dili nila pagpasaka og kaso.
Gumikan niini nagduda siyang ang nangusog sa maong kaso mao ang igsuon niini gumikan sa kapakyas sa ilang tinguha nga makapangwarta ngadto kaniya.
Ang suspek nagkanayon nga plano unta niyang pakaslan ang dalaga ug patiwason niya kini sa pagpatungha.
Sumala pa niini nga andam niyang atubangon ang kaso sanglit dili lugos ang nahitabo kanilang duha. (BANAT NEWS)
Linkback:
https://tubagbohol.mikeligalig.com/index.php?topic=41127.0
