Sa usa sa mga hansak, naigo ang tuong bukton sa bata nga giingong maoy gihimong taming ni Tieman.
Samtang si PO1 Piwi Cabasag ug mga kauban sa Homicide Section sa Cebu City Police Office (CCPO) niingon nga human makita sa suspek nga samaron na si Tieman, dali kining nibiya.
Sa imbestigasyon sa kapulisan, giingong nakit-an si Tieman nga human maigo ang iyang anak, iya kiÂning gibilin daplin sa dalan ug nidagan nga samdan sa liog ug bukton.
Unang midangop sa Pardo Police Station si Tieman.
Niabot ang mga sakop sa Barangay Basak Pardo Emergency Response (BPER) ug gidala ang bikÂtima sa tambalanan.
Matod pa ni Cabasag nga wa mosulti ang amahan sa kapolisan nga naigo ang iyang anak nga iyang gibilin daplin sa dalan.
Ang silingan nila nga si Jessa Misa mao nay nikuha sa bata sa daplin ug gidala sa Cebu City MeÂdical Center (CCMC).
Gideklarar ang bata nga dead on arrival sa mga mananambal.
Subay sa pasiuna nga paghiling sa doktor, nahutdan og dugo ang bata tungod sa iyang samad sa bukton hinungdan nga namatay.
Kon nadala pa dayon sa tambalanan ang bata human sa hitabo, posibling mabuhi pa kini.
Ang kapolisan sa Pardo pinaÂngulohan ni PO3 Fabios Belleza ug mga kauban nihimo og hot pursuit operation ug nasikop ang suspek.
Si Suico, sa iyang bahin, niingon nga wa niya tuyoa nga maigo ang bata.
Bugtong niya nga tuyo mao lang ang amahan, apan tungod sa pagsige og lihay sa amahan, aksidente niya nga nadunggaban ang bata.
Ang suspek gitanggong sa Pardo Police Station ug gitakdang pasakaan og tukmang mga kaso. (JFT/Hershyl Jade Roxas & Robhe Jane Yara-CNU Comm Interns/GPL)
Gipatik sa mantalaang SuperBalita Cebu Mayo 27, 2015.
Linkback:
https://tubagbohol.mikeligalig.com/index.php?topic=80042.0
