LALAKI NALIGSAN, PATAY by DYTR Bohol
Patay ang usa ka 65 anyos nga lalaki nga naglakaw human nabangaan sa motorsiklo didto sa brgy. Conception, Loay pasado alas 7:30 sa buntag adlaw nga Sabado.
Patay ang biktima nailhan nga si Pedro Cabahog, 65 anyos, ulitawo, molupyo sa brgy. Tangcasan sur, Loay.
Gitaho ni Police Staff Sergeant Pepito Beroy nga ang biktima naglakaw kini gikan sa ilaha unya paingon sa cemeteryo sa brgy. Palo arun manghinlo sa sam-ang apan pag-abot sa skina sa brgy. Conception kalit kining nabangaan sa motorsiklo nga gimaneho ni Danny Panio, 40 anyos, adunay live-in partner, molupyo sa brgy. Conception, Loay, kalit nabangaan ang biktima human giingon nga kusug-kusug nga nagpadagan sa motor ang suspek nga gikan usab sa sementeryo sa brgy. Palo ug gikan usab nanghinlo sam-ang.
Matud pa ni Beroy nga sa pagliko ni Panio sa skina, wa kini makalikay ug nabangaan ang biktima nga naglakaw.
Patay diha diha dayun ang biktima sa hitaboan human nakaangkon ug grabeng bun-og sa ulo nga nakaingon sa hinanaling kamatayon.
Sa pagka karon, gibalhog na sa karsel sa Loay Police Station ang gikatahapan ug gipasakaan na kini sa kasong "reckless imprudence resulting to homicide" batok sa suspek. JF
Best Website Host:
www.bluehost.comLinkback:
https://tubagbohol.mikeligalig.com/index.php?topic=120339.0