another article; @Lorz.. hihi maka sabot kaha kaw tanan? lols
2 gipatay sa sakop sa Crips gang
Dennes R. Tabar & Flor Q. Ballesteros
Sun.Star Superbalita
DUHA ka mga batan-on ang gipamusil patay sa laing tulo ka mga batan-ong lalake sa siyudad sa Mandaue.
Hinuon duha sa mga suspek nasikop samtang gisusi pa sa kapulisan kon miyembro ba sila sa mga fraternity.
Si PO3 Dindo Montesclaros sa station-2 sa Mandaue City Police Station nga nahinabi sa Sun. Star Superbalita niila sa mga biktima nga sila si Mark Oliver Baguio, 18, ug si Dexter Estreller, 19, pulos taga barangay Tipolo.
Samtang ang mga gikatahapan giila nga sila si Dariel Herosa, 21, Kevin Labao, pulos taga barangay Alang-Alang ug si Jasper Uy, 19, taga barangay Looc.
Ang mga biktima naglakaw lang gikan sa Paseo aron mopauli apan paghiabot nila sa may M.C. Briones, barangay Alang-Alang, sila gisugat sa tulo ka mga suspek.
Gipamusil sila gamit ang wa pa matino nga kalibre sa pusil sa makadaghang mga higayon.
Si Baguio naigo sa iyang liog, bukobuko, ug paa samtang si Estreller naigo sa iyang tuong dughan. Sila pulos daling gidala sa Vicente Sotto Memorial Medical Center.
Apan si Baguio gideklarar nga patay nang nidangat sa tambalanan samtang si Estreller namatay paglabay sa pipila ka oras.
Atol sa hitabo, sila si Herosa ug Uy daling nakadagan ug giingong nagpatabang pa sa barangay tanod outpost sa Alang-Alang tungod kay adunay naggukod kanila.
Si PO3 Montesclaros niingon nga base sa ilang gihimong imbestigasyon nasayran nga ang duha pulos diay mga suspek ug anaa na karon sa presento-2.
Si Labao,kinsa gitumbok mga maoy namusil sa duha ka mga biktima wa pa madakpi.
Ang kapulisan nakakuhag hulagway sa prime suspect nga si Labao ug duha ka mga batan-on gikan sa iyang Friendster account.
Ang hepe sa Police station 2 P/SInsp. Eddie Castaneda nibutyag nga ang usa sa duha nila ka mga dinakpan nga kuyog ni Labao nitug-an kabahin sa pagkatawo sa suspek.
Nasayran nga si Gerosa maoy nibutyag sa kapulisan nga makakuha sila og hulagway ni Labao sa iyang Friendster account.
Matod pa ni Castaneda nga gipakuyogan sa iyang sakop si Gerosa ngadto sa duol nga Internet café aron makakuha og picture sa nakaeskapo nga suspek sa pagpamusil.
Hinungdan nga nakahipos og pipila ka mga hulagway ni Labao ang kapulisan sa giingong sakop sa Crips gang.
Si Labao nakabiya na paingon sa Mindanao.
http://www.sunstar.com.ph/superbalita/03-18-2008/balita2.htmlLinkback:
https://tubagbohol.mikeligalig.com/index.php?topic=11373.0