Vince murag mao ni complete version sa pangadye sa kalag sa porgatorio.
Ay tawo nga manggiloy-an
Ug among gilauman.
Sa langub among gipuy-an
Inyo kaming panabangan.
Ay! miagi na kami
Nianang walog nga luhaan
Ningtabang kami sa uban
Ug kanamo walay motabang
Dili ninyo hikalimtan
Nga ang magabalus babaslan.
Sa langub among gipuy-an
Inyo kaming panabangan
Gilibutan man kami
Sa kasakit nga daghanan
Sa kalayo nga masiga
Ug dili gayud mapagngan
Kay gihuyup kanunay
Sa Diosnon nga kinaadman.
Ay, tawo nga manggiloy-on
Ug among gilauman.
Sa langub among gipuy-an
Inyo kaming panabangan.
Ay! Miagi na kami
Nianang walog nga luhaan
Ug kanamo walay motabang?
Dili ninyo hikalimtan
Nga ang magabalus babaslan.
Sa langub among gipuy-an…
Gilibutan man kami
Sa kasakit nga daghanan
Sa kalayo nga masiga
Ug dili gayud mapagngan
Kay gihuyup kanunay
Sa Diosnon nga kinaadman.
Sa langub among gipuy-an…
Ang mga salang diyutay
Amo nga gipasipad-an
Sa walay pagtagam gayud
Nga sa ingon nga batasan
Nahimo kaming takus
Ning amo nga puloy-anan.
Sa langub among gipuy-an…
Ang lima ka balatian
Nga dayandayan sa lawas
Ug gigamit sa tawo sa iyang kasal-anan
Gisakit ug daku dinhi
Balus nga gikalipayan.
Sa langub among gipuy-an…
Ang labing dakung pag-antus
Niining pagkabutanga
Dili ang kasakitan
Kon dili ang kadugay lamang
Sa pag-atubang sa Dios
Nga among gikahidlawan.
Sa langub among gipuy-an…
Kalimot nga walay ingon;
Ang sa mga kaubanan
Nahiagum lamang sila
Sa among gikabudlayan
Sa wala nilay pagpalandong
Sa ilang katigulangan.
Sa langub among gipuy-an…
Ang kalooy nga buhat
Maoy among gikinahanglan
Sa pag-ampo ug sa misa
Inyo kaming kahalaran
Walay laing tambal kristianos
Niini nga kalisdanan.
Sa langub among gipuy-an…
Pulong man ni Jesucristo
Nga ang langit nga dalan
Masigpit nga walay ingon
Ug sa tagsa ra gilaktan
Nan kaloy-i kami ninyo
Kay sa Dios kamo babaslan.
Sa langub among gipuy-an…
Ang inyo nga kinabuhi
Ingon ug hangin nga mawala
Ug ang kalipay sa yuta
Daw aso nga moagi lamang
Tumanon ninyo ang kalooy
Aron sa ulahi baslan.
Sa langub among gipuy-an…
Ay, tawo nga manggiloy-on
Ug among gilauman.
Sa langub among gipuy-an
Inyo kaming panabangan.
Madungog pa jud nako ang pagpangadye ani nga naay tono nga murag magkanta pero wa gakanta.
Here are excerpts of los gozos of different novenas:
Novena Del Glorioso Confesor De Jesucristo
San Antonio De Padua
Mga Kalipay ni San Antonio de Padua (Gozos)
Ikaw man ang mananabang
Sa amo nga kalisdanan.
San Antonio nga bulahan
Imo kaming panabangan.
Sa bagyong makahahadlok
Donggoanan ka nga malinaw
Ug tubig man nga matin-aw
Nga sa sunog magapalong,
Sa ngatanan nga kalisdanan
Ikaw among mananabang.
Novena ni San Vicente Ferrer (1935)
Kay mag-alampo ka nga tinuod
Ug manlalaban ka namo.
Kami Vicente sa Dios ig-ampo
Kami nga kanimo mangalaum.
Ang usa ka babayeng bu****
Nagapatay sa iyang anak,
Kay iya man gihunahuna
Nga pagakan-on unta niya,
Giluto niya ang tinadtad
Ug buhi giuli mo kaniya.
Minatay kap-atan ug unom
Ang gipanggawas mo sa lubong
Kay gibuhi mo sila pag-usab
Ug sa kalibutan giuli mo
Ug kay nawala sa ngalan mo
Ang lalang sa bitin nga maitum.
Kami Vicente sa Dios ig-ampo
Kami nga kanimo mangalaum.
Virgen sa Fatima
Oh! Ulay sa Fatima, Ikaw ang among
Dalangpanan sa tanan namong
Mga kalisdanan.
Oh Inahan nga mananabang
Sa mga kristianos nga tanan!
Ang tawo tungud sa iyang mga sala
Giangkon niya ang iyang kapildihan
Ug aron kaniya ang tanan mapala
Ang iyang daghanan nga kasal-anan
Kinahanglan iyang pagabasulan,
Aron siya sa Dios ug sa Birhen kaloy-an.
Oh Inahan nga mananabang
Sa mga kristianos nga tanan!
Anak ko! Tan-awa ang akong
Kasingkasing nga gilibutan sa mga tawong
Makaliton ug pahayagi nga ako motabang
Kaniya sa takna sa kamatayon,
Nga mokalawat sa lima ka Sabado sunodsunod
Aron makahupay sa putli ko nga kasingkasing.
Oh Inahan nga mananabang
Sa mga kristianos nga tanan!
Gozos sa Espiritu Santo
Silingbahon nga personas
Sinugo sa Dios nga Amahan.
Espiritu nga Diosnon
Matin-aw o masigang langitnon.
Gahum hatag nga milagro,
Dakung gugma ug pagtoo,
Ipahilayo Mo kanamo
Ang among dili pagkahibalo,
Tamda gugma nga diosnon
Ang among pagkamatalak-on.
Linkback:
https://tubagbohol.mikeligalig.com/index.php?topic=30006.0
