daghang salamat willsmith. padayon sa atong sugilanon, nobela nga way kahumanan sa kinabuhi , the life and loves of balong
chapter 2
niadtong grade 5 pa ko, natongnan ko nga akoy gisogo sa among maestra nga maoy mag erase sa blackboard. erase tawon pod ko. natingala ko nganong perteng pangatawa sa ahong mga classmate. ako maoy gikataw-an, ngano kaha. unja naka amgo ko nga ang ilang gikataw-an mao ang ahong short pant. kay dako kaajo ang tinapakan sa lobot, mora ug telon sa sine. porbidang paeta ning pobre ta. hangtod 4th yr. high school ko, short pants gihapon ang sol-ob. maibog ko sa ahong mga classmate nga ga long pants. ako ra intawon maoy mi lahi. 12 man gud mi ka igsoon. 6 ang laki, 6 ang baje. maajong pagka balanced dioet. ang among kinamaguwangan laki, ako maoy kinamanghorang laki. ang mga sinina sa kinamaguwangang laki, maoy sundon sa manghod, ipasa na pod sa manghod, mao nga inig abot naho intawon, gaka gidlay na sa daghang tapak. lisod man gud ning pobre. way kalingawan inig ka gabii. walay tv mao nga ahong nanay ug tatay, magka lingaw lang pod ug lingaw lingaw sa ilang kaugalingon. maajo man hinoon ning daghang magsoon kay bibo. kay among silingan nga datu, usa ra man ka book anak. mingaw tawon. mao nga mo tapo kanunay si peter ug duwa namo. peter lagi ang ngan kay datu man. ug na pobre pa, pedro unta. mao nga wa man pod ko magmahay sa ahong nanay ug tatay nganong gi daghan nila ug gama ug bata. kay maka kat-on man ka ug pakig angay. tinakos jud ang nilogaw mais namo. bahin jud sa ensakto. swerte na lang kaajo kong solod sa usa ka buwan, maka kaon mi ug karne inig tabo. perme jud intawong ginamos ang sud-an. tay-an atong tinae madugay. mao nga ug naay kombera ug tapos, mo seguro jud mi ug adto.
Linkback:
https://tubagbohol.mikeligalig.com/index.php?topic=4358.0