Awit ng Kabalyero

[Lorenzo]

By: Eduardo Jose E. Calasanz

Cordoba.

Kay layo at nag-iisa.



Itim na kabayo, bilog na buwan

at mga olibo sa aking kargada.

Kahit na kilala ko ang daan

hindi ko maaabot ang Cordoba.



Sa kapatagan, sa hangin

itim na kabayo, pulang buwan.

Pinagmamasdan ako ng kamatayan

mula sa mga tore ng Cordoba.



Ay, kay layo ng patutunguhan!

Ay, kabayo kong matapang!

Ay, hinihintay ako ng kamatayan

bago makaabot sa Cordoba.



Cordoba.

Kay layo at nag-iisa.