Balaki ko ‘Day Samtang Gasakay Ta’g Habalhabal

[Lorenzo]

-A. Durado


Balaki ko day
Samtang gasakay ta’g habalhabal.
Idat-ol og samut
Kanang imong dughan
Nganhi sa akong bukobuko
Aron mas mabatyagan ko ang hinagubtob
Sa imong kasingkasing.
Sa mga libaong nga atong malabyan.
Gaksa ko paghugot
Sama sa lastikong
Mipungpong sa imong buhok.
Ug sa kainit sa imong ginhawa
Gitika kining akong dughan.
Ang mga balili unya
Nga naghalok sa ‘tong batiis
Isipon tang kaugaligong mga dila.
Dayon samtang nagakatulin
Kining atong dagan,
Mamiyong tag maghangad
Ngadto sa kawanangan
Aron sugaton ang taligsik
Sa uwan, dahon, ug bulak.

[Scarb]

 Dli ba na post na niy ni Boylawas or Loloy? (if im not mistaken) 

[Lorenzo]

If boy lawas is Mr. A. Durado, then....

[Scarb]

Bazta ky morag nakabasa nako ana nga balak Bran²..
   ambot aza to nga tanod huh, tymza ako pangitaon basta bag-o pa lang..i really like it tho uhm..

[Scarb]

ah dia ra jud, dire diay nako niy nabaZahan..huuh sa ka daghan na sa topic ug thread..malipat na ta uzahay 

http://tubagbohol.mikeligalig.com/bisaya-cebuano-version/dili-tanang-matagak-mahagbong-33334/

[Lorenzo]

 

[hubag bohol]

walay mobalak samtang nagdrayb ko ug habal-habal

"flattery is a bunch of f*cking b*llshit."  
- daughters

kay di ko kadungog sa imong tingog
ang mga hagawhaw lamyon sa dahunog
sa makinang syentobaynte ang dagan.
kung mogakos ka nako ayaw la'g luhag
kay boak gyod nang imong bagol-bagol.
ayaw sige'g kisikisi diha day kay
basin masiak imong tuway-tuway.
ayaw ko sturyahi sa salida ni
robin ug vina
kay basin makay-ag nang bitbit mo
nga kinompra.
ayaw.
ayaw. ayaw.
pasagdi lang ko diri sa manoybila
kay inig abot nato didto sa 'skina
magdungan ta ug kahagba
ngadto sa lawom ug batoon
nga kimba.

dayon kitang duha maminaw
sa nagpadayag nga kalibutan.

--eriktuz


http://eriktuz.multiply.com/journal/item/54

[islander]

hahaha!  mabuang ko ani, bai hubag!  hapit mabuak akong bagol-bagol ug kinatawa.  maayo gani kay bag-ang ray niliki.  kinsa man tawoy author ani uy.  sayang di ta kahibawo sa iyang tinuod nga ngan.  maayo untag makakita dayon ani si adonis durado aron malingaw siya aning offshoot sa iyahang balak, matagak gyod ug ahat ang di angay mahagbong, labi na iyang purol.

[hubag bohol]

hahaha!  mabuang ko ani, bai hubag!  hapit mabuak akong bagol-bagol ug kinatawa.  maayo gani kay bag-ang ray niliki.  kinsa man tawoy author ani uy.  sayang di ta kahibawo sa iyang tinuod nga ngan.  maayo untag makakita dayon ani si adonis durado aron malingaw siya aning offshoot sa iyahang balak, matagak gyod ug ahat ang di angay mahagbong, labi na iyang purol.

He he, balloon-pricker ning bataa...