Pito Ka Mga Balak sa Anak sa Bitaug

[bisayantek]

Mga Sano, kining balaka usa sa pito ka balak nga akong iapil sa Gawad Komisyon 2007 Tigi sa Sinulatay sa Sinugboanong Balak. Palihug basaha kon angay bang iapil sa usa ka tigi sa balak. Daghan kaajong salamat.


PAGPAMILIG BATO

Sa dili pa sugdan ang pagmakinilya,
Mosayo unag mata.
Unhan sa lapyahan ang magpalawod aron
Makamugna og bukid sa graba.
Unya, ag-agon sa wire screen #10 dayon
Ipalusot sa #5 ang mga diyamante sa baybayon.

Sa pagsugod sa pagmakinilya,
Ihat-ad sa lamesa ang graba.
Buhian ang mga tudlo ug dakpon
Ang mga itom gawas sa puti.
Bulagon ang mga patay sa buhi.
Ilabay ang dunot
Ibilin ang walay buslot.

Mohunong sa pagmakinilya kon
Mahubsan na sa gas ang gasera
Manuktugaok na ang mga hiniktan
Mapuno na ang taro sa Rebisco
Ug matawag na kining trabaho.

[Happy]

ok baya, gani lang kay para nako naa may nahisagol

wire screen #10 ug #5

gisinibuano unta pud na

[pioneer]

Kinahanglan nga ang balak motukbil sa kinauyokan sa pagbati sa tawo.

[Julai]

hmmm curious lng ko..lugar ba ning Bitaug??

[bisayantek]

Sa among Sityo Bitaugan, ang Bitaug usa ka kahoy nga sobra sa usa ka gatos ka tuig na nga naghatag og landong sa mga mananagat.

[Julai]

Sa among Sityo Bitaugan, ang Bitaug usa ka kahoy nga sobra sa usa ka gatos ka tuig na nga naghatag og landong sa mga mananagat.

ahh ok.thanks bisayantek..pero asa man ni nasakop ang sitio Bitaugan??sorry ha daghan ko pangutana

[bisayantek]

Daghang salamat sa opinyon mo, Pre Mike. Akong kining giusab karon kay nakita na nako ang kasingkasing ning maong balak.

[bisayantek]

Way problema. Ang Sitio Bitaugan nahisakop sa West Poblacion, Garcia-Hernandez, Bohol. Ang kasagaran sa akong mga balak-balak nakita nako ning lugar sa mga mananagat. Mag-ubanan ako sa akong tatay sa pagpanagat kaniadto sa buhi pa siya. Ang balak nga PAGPAABOT gipahinungod sa pinangga kong amahan.

[bisayantek]

mfrandsen, daghan usab nga salamat sa imong opinyon sa akong balak. Wala nako makita kaniadto ang maong bikil sa balak kay nahigugma pa man ko sa balak nga malisod pa bulagan.

[-<GEC348>-]

Naay koy nagunggan nga Bitaug Beach Resort sa Sito Daurong, Barangay Danao, Panglao.

Karon nakasabot na ko unsa ang kahulugan sa bitaug.

Daghang salamat, bisayantek

[Julai]

Way problema. Ang Sitio Bitaugan nahisakop sa West Poblacion, Garcia-Hernandez, Bohol. Ang kasagaran sa akong mga balak-balak nakita nako ning lugar sa mga mananagat. Mag-ubanan ako sa akong tatay sa pagpanagat kaniadto sa buhi pa siya. Ang balak nga PAGPAABOT gipahinungod sa pinangga kong amahan.

ok daghang salamat Bisayantek.Sa Garcia diay na..
cge ha ako basahon imong balak nga pahinungod sa imong tatay.My condolences diy.

[hazel]

Sa among Sityo Bitaugan, ang Bitaug usa ka kahoy nga sobra sa usa ka gatos ka tuig na nga naghatag og landong sa mga mananagat.

Salamat! nakat-on pud ko ug bag-ong termino.

[Happy]

mfrandsen, daghan usab nga salamat sa imong opinyon sa akong balak. Wala nako makita kaniadto ang maong bikil sa balak kay nahigugma pa man ko sa balak nga malisod pa bulagan.

walay sapayan bisayantek