Dayon Sa Akong Kalibutan

[pioneer]

imong naablihan ang pultahan sa akong kalibutan
ug imong nakita ang mga nangakay-ag kung sugilanon
ug ang mga nalukot kong kapakyasan sa kinabuhi.

nahadlok ako nga kung imong maablihan
ang mga lawak sa akong kagahapon
imong masud-ong ang akong mga pagmahay.

nahadlok ako nga basin diha sa akong mga bintana
imong malantawan sa halayo
ang akong mga kapakyasan sa kinabuhi.

apan gidapit ko ikaw sa pagdayon
ug sudla ang kinauyokan sa akong kalag
ug aninawa ang katahom sa akong kasingkasing,
ang kamadanihon sa akong hunahuna -

kay ikaw man ang higala nga dugay na nga nawala.

written by www.mikeligalig.com