Tomboy, 18, gisagpa, gisumbag ug gipaak sa uyab, 17, tungod sa selos

[hubag bohol]

USA ka tomboy ang mipatala sa Sta. Ana Police Station human siya gipaak ug gisagpa sa iyang girlfriend tungod sa selos.

Ang insidente nahitabo alas 8:00 sa gabii niadtong Dominggo didto sa Palma Gil Street, Barrio Obrero, Barangay 15-B Poblacion, Davao City.

Base sa blotter nga natala ni Police Officer (PO) 3 Jonathan C. Cadenas, duty desk officer, nagpa-blotter si Lyndchie (bansagon gitago sa SuperBalita), 18, nagpuyo sa maong dapit.

Gisumbong ni Lyndchie nga napakaulawan siya kay gisagpa siya sa iyang girlfriend nga si alyas Honey, 17, taga Barangay 39-D Poblacion, ning siyudad.

Human siya gisagpa, gisumbag siya ug gipaak iyang bukton ni Honey tungod nagselos kini sa iyang nasayran nga dunay nay laing babaye ang iyang uyab.

Ala 1:00 kagahapon sa kaadlawon, wa na nakapugong ang tomboy mao nga iyang gipa-blotter ang iyang hinigugma gumikan sa iyang samad-pinaakan.

Bisan pa man nga napaakan, andam gihapon mapasaylo sa tomboy ang iyang uyab tungod sa iyang nag-uros uros nga gugma niini. (Jeepy P. Compio)


Gipatik sa mantalaang SuperBalita Davao Septembre 22, 2015

[islander]

morag ginamagama na man nang pakapin nga last paragraph...

[hubag bohol]

morag ginamagama na man nang pakapin nga last paragraph...

He he, medyo bilyako bitaw nis Ondoy Jeepy. Uros-uros jud, mora mag deep-fried...