Nasakpan sa bana ang 63 anyos nga silingan nga nagpatong sa iyang asawa

[hubag bohol]

Mitilaw sa asawa sa silingan gitigbas sa makadaghan samtang nagpatong, dedbol


KIDAPAWAN CITY -- Patay ang usa ka 63 anyos nga lolo human gitigbas sa silingan sa alas 3:20 sa hapon niadtong Dominggo didto sa probinsiya sa Cotabato.

Giila ang biktima nga mao si Quinticon Anggolar, biyudo ug molupyo sa Purok 2, Barangay Malungon, Makilala.

Si North Cotabato Provincial Police Office Director Danilo Peralta nagsulti nga nasakpan sa akto sa suspek nga si Genesis Tapic nga nagpatong sa iyang asawa si Anggolar nga pulos walay mga sapot sulod sa ilang kuwarto.

Tungod sa sobrang kasuko, gitigbas ni Tapic sa makadaghang higayon ang biktima gamit ang mahait nga sundang.

Apan nailog ang sundang nga gigunitan ni Tapic sa dihang miabot ang mga silingan ug pamilya niini.

Nadala pa si Anggolar sa Makilala Medical Specialist Hospital apan gideklara siya sa mga attending physician nga dead on arrival gumikan sa daghang mga samad tinigbasan nga naangkon sa lawas.

Gikanayon ni Tapic nga posibleng dugay na nga nagkarelasyon ang iyang asawa ug si lolo apan karon lang niya nasakpan sa akto nga nagdula'g kalayo.

Gisang-at na sa kapulisan ang tukmang kaso batok sa suspek ngadto sa korte. (Edgar E. Fuerzas)


Gipatik sa mantalaang SuperBalita Davao Mayo 05, 2015.

[hubag bohol]

Hmm, wa man hisgoti sa balita pilay edad ni misis...

[islander]

duda ko nga 96 ang edad ni misis kay nasaypan na niya nga iyang bana ang ilang silingan. alsaymer.

[MikeLigalig.com]

kay byudo naman sya, byuda nalang pud unta iya gipangita. luoy, gataroy pa intawon to sa dihang ang sundang mitidlom sa iyang kaunoran ug kabukogan.

[hubag bohol]

kay byudo naman sya, byuda nalang pud unta iya gipangita. luoy, gataroy pa intawon to sa dihang ang sundang mitidlom sa iyang kaunoran ug kabukogan.

Aw, bawsanay lag dunggab...