LEGAL INFORMATION ( Kinutlo gikan sa Bisaya Magazine)

[fdaray]

June 27, 2012

Legal Information:

PANGUTANA:Puyde bang magminyoay ang  ig-agaw igtagurha o second degree cousin nga pareho og apelido?

TUBAG: Mahimo silang kaslon nga legal. Ang relasyon sa mga kabanay ug paryente nga gidid-an sa balaod nga magminyoay hangtod lamang sa ig-agaw og igtagsa o 4th degree of consanginity.

[Pikoy]

kaslon nga legal ang parihag apilyedo nga ig agaw?? pagka toy toy..

[fdaray]

kaslon nga legal ang parihag apilyedo nga ig agaw?? pagka toy toy..

Gitugot sa atong balaod.

[fdaray]

Bismag, Oct. 17, 2012
Legal Information

PANGUTANA; Unsay mahitabo ngadto sa trabaho ug posisyon sa usa nka opisyal o empleyado sa  goberno nga  sa panahon nga mosumiter siya sa Comelec og Certificate of Candidacy aron mokandidato sa election.

TUBAG: Base sa Omnibus Election Code ug sa kalambigit nga guidelines nga gipakanaog sa Comelec, kon ang usa ka opisyal sa goberno nga pinili sa katawhan o nagagunit og elective position sama sa senador, kongressman,mayor ug uban pa, magpabilin siya sa iyang puwesto bisan pa kon mi file siyag kandidatura sa bisan unsang posisyon. Apan kon siya nagagunit sa usa ka tinudlo nga posisyon kon appointive position, gimbut-an sa Omnibus Election Code nga ilhon siyang nag-resign o nahanaw sa iyang puwesto diha diha sa iyang pag-file sa Certificate of Candidacy.

[pioneer]

ang first degree cousin maoy dili pwede. sa balaod, pwede na ang second degree cousin.

[chicogon]

Sa simbahan morag 3rd degree ray pwede, otherwise morag kinahanglan ug dispensation. That comment is just off the top of my head, dili opisyal nga version hehehe

[fdaray]

Agosto, 8, 2012

Legal Information
PANGUTANA; Hangtod asa nga edad makahimo pang magserbisyo  ang mga huwes?

TUBAG;Base sa atong Konstitusyon, ang mga huwes sa atong mga hukmaman gikan sa mga huwes sa munisipyo hangtod sa Korte Suprema mahimong magserbisyo hangtod moabot sila sa edad nga 70 anyos.

[fdaray]

Dec. 5, 2012
Legal Information

PANGUTANA; Unsay Kahulugan sa Extradition Treaty

TUBAG;
Ang Extradition Treaty mao ang kasabutan tali sa duha ka nasud o estado  nga naglambigit sa pag-obligar sa usa kanila sa  pagdakop ug pagtumod pagbalik ngadto sa nasud  sa usa ka tawo nga gipangita sa balaod sa pikas nga nasud aron didto  niya atubangon ang sumbong ug ang iyang  sa iyang kaso.

[fdaray]

Bisaya Magazine, Oct. 24, 2012

LEGAL information:
PANGUTANA; Gisilotan ba sa balaod ang buhat sa usa ka kandidato nga   pre-mature campaigning o ang pagpangampanya sa wala pa ang campaign period.

TUBAG; Wala nay silot nga gipahamtang sa balaod batok sa usa ka kandidato nga nangampanya sa wala pa ang campaign period. Sa kasong "Penera vs. Comelec," ang Korte Suprema mitin-aw nga dili mahimong silotan ang usa ka kandidato nga nangampanya sa wala pa ang campaign period kay mahimo lang siyang pahamtangan og tulubagon sa iyang mga pagsupak sa balaod sa eleksiyon diha ra panahon sa campaign period sa eleksiyon diin siya mikandidato ug dili sa mga buhat sa wala pa kini magsugod.