Tambagi ko Noy Kulas: Kapuyo nga selosa, foreigner nga gatasan

[hubag bohol]

DEAR Noy Kulas,

Tagoa lang ko sa ngalan nga Ryan Batman. Ang akong problema bahin sa akong kapuyo karon. Magsige mi og lalis kay iya kong nasakpan ka usa nga nakig-chat sa akong kanhi uyab nga karon tua na nanimuyo sa laing nasod. Naminyo siya didto dala ang among 4-anyos nga anak.

Wa man koy plano makigbalik sa kanhi nako uyab apan ang ako lang nga mangumusta sa akong anak. Nasayod akong kapuyo karon apan hugot kaayo niyang gibawal nga di ko mo-contact nila. Kini akong kapuyo karon adunay fo­reigner nga gipanguwartahan lang.

Niuyon lang pud ko kay wa man pud koy trabaho kay wa man ko kahuman og hayskol.

Kahibawo ko nga sayop kaayo apan naanad na man ko sa haruhay nga paagi. Magsige lang ko og sugal gamit ang kwarta nga hinatag sa foreigner sa akung kapuyo.

Gusto unta ko magtigum ug magnegusyo aron malingaw ko og pahilayo sa sugal ug ako nang pabiyaan ang foreigner sa akong kapuyo. Sa kanang paagiha di na pud mi magsige og away bahin sa selos. Unsa man ang akong buhaton?

RYAN BATMAN

[hubag bohol]

Ryan Batman,

Di gyud ikahibung nga ingon niana ang inyong kinabuhi tungod kay nanggamit man sab mo og laing tawo aron mo mabuhi. Sorry to say this pero isip tigtambag, apil sa akong papel ang pagpahigmata sab sa gustong magpatambag aron makakita sa wa makita. Sama nianang inyong gibuhat sa foreigner nga inyong gihimong gatasan. Di man gyud maayo nang inyong gibuhat sa foreigner.

Kini man gung gibuhat nato maora ni siya og echo, unsay atoang gibuhat mobalik ra sab nato. Kon unsay gitanom, maoy anihon. Kon nagbuhat ka og dautan, ayaw pag-expect nga dunay maayong mobalik. Mao nang gubot mong duha tungod kay nagpuyo man mo sa di maayo nga kinabuhi. Ako na lang ingnon in one word nga pangilad ang inyong gibuhat. Busa, mao sab nay bayad sa inyong gibuhat ngadto sa foreigner.

Undanga na inyong paggamit sa foreigner. Undanga sab ang pagpanugal kay way sugarol nga nakatigom. Kay maungo gani ka sa sugal, tanan imong mabaligya bisan purol nimong busluton. Labina kon ma-addict ka na sa sugal. Kana bang gitawag og compulsive gambler. Di na matug hapit tungod sa sugal.

Mao na ang unang duha ninyo nga buhaton. Unya, hinayhinaya sa pagkombinser ang imong kapuyo nga ang imong pag-communicate sa imong kanhi uyab nga imong napaangkan mao ang bata. Basin baya tungod kay wa ka maghisgot og minyo, mao nay nakapa-insecure sa imong kapuyo karon. Pag-estorya mong duha ug planoha ang inyong expenses.

Unya pagpaduol na mo sa Ginuo og sugod aron mahapsay ang inyong pagpuyo.

NOY KULAS

Gipatik sa mantalaang SuperBalita Cebu Agosto 04, 2012.

[hubag bohol]

Gubot pas lukot kahimtanga... 

[statesville]

maayo gyud pagkapares ning duha...badlongon

[islander]

kamaayong ipakong sa ulo sa duha. 

[hubag bohol]

Ato pud ni siyang patambagan ni Bugsay...

[hubag bohol]

Kini akong kapuyo karon adunay fo­reigner nga gipanguwartahan lang.

Gipangwartahan? Unsay buot ipasabot ani? Unsay katumbas sa paghatag og kwarta?

[bugsay]

ngitngit pas alkitran ning duha...

[hubag bohol]

ngitngit pas alkitran ning duha...

Unsay imong ikasugyot aron mabugnaw ang ilang kaugmaon, Bay Bugs?

[bugsay]

Unsay imong ikasugyot aron mabugnaw ang ilang kaugmaon, Bay Bugs?

mahilot pa kaha ang utok ana nila....bawog pa man sa bara de cabra..

[hubag bohol]

mahilot pa kaha ang utok ana nila....bawog pa man sa bara de cabra..

Hmm, sa ato pa, ang angay nga motambag nila, pari o kaha doktor?

[bugsay]

Hmm, sa ato pa, ang angay nga motambag nila, pari o kaha doktor?

pakamrasan ug iring..

[hubag bohol]

pakamrasan ug iring..

Bwahaha! Itayming nga wa ka-nap aron bangis pas irong boang!

[islander]

hehe, igo ra tang discuss-discuss ani.  the more i read the item, the more it becomes unbelievable.  bisag kinsa nga columnist mahutdan ug topic, mahutdan ug manunuwat pod nang uban nga sama ni noy kulas nga ang column format mananambag kintahay. 

leave it to his imagination.  dili layo sa kamatuoran nga naay sitwasyon nga ingon ani.  mao ni ang basic nga estorya kintahay, unya pakapinan na (sugal, selos, etc.) aron maglami.  but tell me, kinsa mang lakiha ang mosuwat pa kang noy kulas aron magpatambag?  gisustentohan ra kunohay siya, gasugal ra, mobasa ug super balita?  unya nakonsinsya?  talking dog.  not worth a kamras, aherm.

[hubag bohol]

Hapa na ta. Namulong na ang tigtagik kaniadto og advice column (iyang suliran, iyang tambag)...