Nganong Maanyag Ka ug Mabihagon

[MikeLigalig.com]

Poem by Marcelo Geocallo
NGANONG MAANYAG KA OG MABIHAGON

Sa kanunay moaninag ang maanyag mong panagway,
naghimog arko sa akong ulohan,
nagdibuho og mga katahom sa nag-agos nga dugos sa tabilawan
nga naglukim sa kagahapon;
misintak og nag-awhag sa kabana ug nagpaalinggat sa bililhong mga anib nga gilukim
ning panumdoman.

Ay'g paminaw sa mga bunghog;
isipa lamang nga mga inagulo ra kana sa mga buyog nga napakyas, walay
nasupsop nga dugos
nga sarang nakapataniag sa gimad-an nilang tutunlan.

news.mikeligalig.com