ABC President sa Buenavista, Bohol gidakop sa Cebu kay naghubog-hubog didto

[hubag bohol]

Konsehal nadakpan
Ni Dennes R. Tabar
Saturday, August 27, 2011


PRESIDENTE sa Association of Barangay Councils (ABC) nga sakop sa konseho sa lungsod sa Buenavista, Bohol uban sa iyang igsuong barangay konsehal sa lungsod sa Consolacion nasikop sa kapulisan sa Mandaue City atol sa checkpoint.

Ang duha giingong abusado kaayo.

Ningsuway pa kini pagsibat gikan sa mga pulis apan paghiabot sa unahan nangatumba sila samtang nagmotorsiklo tungod sa kahubog.

Ang nasikop giila sa mga sakop sa Criminal Investigation Branch (CIB) sa Mandaue City Police Office (MCPO) nga mao ang managsuong Benfil Tibon, 43, barangay konsehal sa Tugbungan, lungsod sa Consolacion ug si Benigno Tibon, 45, giingong barangay kapitan sa Kantuba ug ABC president sa Buenavista.

Pasado alas 2:00 kagahapon sa kadlawon, ang mga sakop sa CIB ug mga tanod, nagpahigayon og checkpoint sa dalan J.P. Rizal st., Barangay Jagobiao pinangulohan ni Insp. Alexander Nuñez.

Ilang nabantayan ang managsuong Tibon nga nagpaingon kanila sakay sa motorsiklo nga nag-zigzag ug kusog kaayo ang dagan.

Hinungdan nga gipahunong sa mga pulis apan nideritso kini.

Paghiabot sa unahan nangatumba ang duha.

Sa dihang gisita sa mga pulis, giingong abusado kaayong nanubag ang duha ug giingong gikuwestyon pa ang mga pulis nganong sila dakpon nga mga opisyal man sila sa gobiyerno.

Ang duha gipangdakop sa kapulisan samtang pasakaan og kasong kalapasan sa city ordinance labot sa paghubog-hubog. --
Gipatik sa mantalaang SuperBalita Cebu Agosto 28, 2011.

[hubag bohol]

Sa dihang gisita sa mga pulis, giingong abusado kaayong nanubag ang duha ug giingong gikuwestyon pa ang mga pulis nganong sila dakpon nga mga opisyal man sila sa gobiyerno.

Nayati na...

[islander]

di gyod pod ko motuo nga magpagago pa ang mga taga-buenavista ug padag-on gihapon ning tontoha sa sunod election.

[hubag bohol]

di gyod pod ko motuo nga magpagago pa ang mga taga-buenavista ug padag-on gihapon ning tontoha sa sunod election.

Hmm, pwede man tuison, ingnon nga gikasuyaan lang...