MANILA- BORONGAN FLIGHT HIT PHILIPPINE AIRLINES, IGLULUNSAD HIT NOBYEMBRE 25
Press Release - Nakatalaan it pagpirmahay hin Memorandum of Agreement ha butnga hiton Borongan City government ngan hiton Philippine Airlines para hin commercial operation hiton airline, Manila- Borongan nga rota.
Sumala kan Rupert Ambil, City Information Office, Oktubre 25 iton signing hit MOA nga tatambungan hit mga executives hit PAL, Mayor Dayan Agda ngan mga miembros hit SP.
Target nira nga maiden flight niyan hit November 25.
Duha ka beses ha usa ka semana iton frequency hit flights, Lunes ngan Byernes.
Iton eroplano nga gagamiton nganhi in mayda kapasidad para hin 86 nga mga pasaheros.
Ha takna nga mapirmahan it MOA, aabrihan gihap dida hiton ira website iton Borongan komo bag o nga ruta.
Padayon naman iton improvement hiton mga pasilidad ha Borongan airport. Sumala pa kan Ambil, mayda X-ray machine nga dadad on nganhi para hit security check hiyon mga bagahe.
"Christmas Homecoming" iton tema hini nga maiden flight, dara kay harani na iton Pasko.ngan damo iton mga magpapauli para hiton holidays.
BCIO (EsteNews)
* * *
Avail of easy and fast online loan at
www.tala.com Philippines
Linkback:
https://tubagbohol.mikeligalig.com/index.php?topic=123142.0
