OPERASYON SA MCIAA PALYADO PA HUMAN MOSADSAD SA RUNWAY ANG USA KA KOREAN AIR.
Posible nga mopadayon karong Martes, Oktobre 25, 2022 ang partial operations sa Mactan Cebu International Airport (MCIA) human gisuspenso ang mga byahe sa mga eroplano human runway sa maong tugpahanan ang Korean Air Flight KE 631.
Atol sa press conference nga, ang Mactan-Cebu International Airport Authority (MCIAA) mitug-an nga ilang gihimo karon ang tanan aron makuha ang Korean Air flight KE631 gikan sa runway diin kini misadsad ug mapadayon ang pag accommodate nila sa mga gagmayng air crafts.
Ang Flight KE631, misulay unta sa pagtugpa sa Mactan Cebu airport nga luwas bisan pa man sa dili maayong panahon nianang gabie sa Oktobre 23, 2022 apan wa kini magmalampuson.
Matud ni Atty. Glenn Napuli, assistant general manager sa MCIAA, ang mga airport personnel ug ubang otoridad nagpadayon sa pagkuha sa sa fuel stored sa aircraft ug kinahanglan nila nga mosunod sa protocols pagseguro nga luwas ang pag kuha sa Airbus 330 jet.
Ug aron kini nila makuha, kinahanglan nga kuhaon pag una ang mga luggage ug cargo human usab mapagawas ang tanang pasahero.
Dugang ni Napuli nga dili madali ang pagkuha sa fuel sa aicraft hinungdan nga ilang giawhag ang mga airline companies nga i divert ang mga Cebu-bound flights ngadto sa duol nga pantalan sa Panglao International Airport sa Bohol.
Human pa unya sa pagkuha sa fuel, ang mga tagdumala sa tugpahanan mopabalhin pa unya sa aircraft aron dili kini makaali sa runway.
Nanghinaot ang mga opisyal sa MCIAA nga ang Civil Aviation Authority of the Philippines (CAAP) ug ang Aircraft Accident Investigation and Inquiry Board motugot nila sa pag abli sa runway alang sa mga gagmay nga aircrafts sugod lunes sunod semana.
Ug kun sila tugotan, ang airport officials mogamit lang sa 2.6 kilometers sa 3.3 kilometer-runway aron mahimong himuon ang pagkuha sa flight KE631 ug partial operations sa airport.
Ang Korean Air flight KE631 mi over ran sa runway alas 11:11 sa gabie sa Oct. 23. hinuon luwas ang 173 ka pasahero ug crew sa eroplano.
Mipadayag usab ang mga representante sa CAAP, nga ilang ipadala ang aircraft’s Blackbox ngadto sa mga imbestigador sa Japan ug Singapore.
Nasayran nga 112 ka foreign nationals, 32 ka balikbayans, ug 18 ka overseas Filipino workers (OFWs) ang on board sa flight KE631.
:Alan Tangcawan
via l Jonalyn Jumabis
* * *
Avail of easy and fast online loan at
www.tala.com Philippines
Linkback:
https://tubagbohol.mikeligalig.com/index.php?topic=123339.0
