Glac, my 2-cents worth ani:
1. Sakto nga dili i-generalize ang sayop ni Kapitan Obispo,
nga sayop pod sa tibuok barangay. Ang binuhatan ni Kapitan
Obispo, iya lamang, ug siya na ang bahala manubag niini
sa Dios.
2. Kon ang panglantaw sa usa ka Parokyano naka-focus
pag-ayo sa Pari nga anaa sa ilang dapit, nan, peligro
kini nga pagbati kay kon parehas ana nga na-idolized
si Kapitan Obispo ug migawas ang iyang tinood nga
baho, mabugnaw pod ang mga Parokyano.
3. Dili angayan nga mabugnaw ang mga Parokyano
kay ang atong tinood nga lider si Jesus Christ man,
dili man si Kapitan Obispo.
4. Para nako, ug mao gyod ang akong gitamod
karon, nga bisan pag pila ka gatos ka pari ug obispo
ang nangahiwi ang dalan, dili ako mabugnaw kay
usa ra ang akong lider. Si Jesus Christ lang.
5. Sa akong pagtoo kang Jesus Christ, pinaagi
sa pagtulon-ang Katolikanhon, kauban nako ang
pari niini, apan kon mosibag na siya pinaagi sa
daotang binuhatan, then, bahala na siya.
6. Lisod nga tambagan sa usa ka Laiko o Laygo
ang pari, kay daghan ang ma-offend niini.
Ngano man? Tungod kay gi-eskwelahan nila
ang Theology, then ang Laiko o Laygo wala.
Ang Laygo o Laiko, mao ang mga tawo nga
aktibo sa pagserbisyo sa simbahan, apan, dili
pari o madre. Ako isip member sa Couples for
Christ, usa ka Laygo. Ang mga members sa K of C,
DMI, Dawn Rosary, Devotees sa nagkalain-laing
ngalan ni Mama Mary, mga Laygo usab.
7. Ang kasagaran nga mabugnaw sa pagtoo
sa Ginoo tungod kay nagbinuang si Kapitan Obispo
o ang mga pari sa parokya mao kadtong mga
Katoliko nga gitawag ug Sunday Catholics.
8. Unsa man ang Sunday Catholics?
Mao kini sila ang mga Katoliko nga makahinumdom
lang sa Dios kon Domingo. Mosimba kini sila, "kuno".
a> Ang uban niini, diha ra mag-ung-ong sa pultahan
sa simbahan kay motan-aw kon kinsay manulod. Imbis
nga mosulod ug mag-ampo ug iandam ang kaugalingon
sa Santos Nga Misa.
b> Ang uban niini naa pod sa sulod, pero sigeg tabi
sa katapad samtang wala pa magsugod ang simba.
Labi na sa Bohol nga dagko ang simbahan, sakit sa
dalunggan paminawon ang tingog nga nagdungan.
Imbis unta, silent ang simbahan prior to Mass.
c> Daghan niini wala kasabot unsa ka mahinungdanon
ang Santos Nga Misa. Nga dapat diay kon mosimba,
kinahanglan nga naa siya sa pagsugod. Nga dili pwede
mosimba nga pag-abot sa simbahan, nangalawat na.
d> Nga dili pwede mosimba nga dili humanon ang Misa.
Daghan ang mosimba nga inig human ug kalawat,
dili na mobalik sa lingkoranan, kon dili modiretso nag
gawas simbahan. Insulto kini sa Ginoo. Usa lang ka
adlaw kada semana iyang gipangayo alang sa pag-worship
Kaniya. Sa Katoliko, usa ka oras lang gani ang Mass,
moeskapo pa.
e> Adunay mga worse nga pagtoo sa ubang Sunday
Catholics like, inig ka Biyernes Santo, moapil jod ug
pas-an sa karo sa Santo Intiero para kuno ma-erase
tanan niyang sala nianang tuiga.
f> Ang uban, manglabni ug mga bulak sa karo
sa mga santos kay himoong anting-anting, pangtuob
sa pukot aron modaghan ang kuha nga isda, ug
ang uban usab, ilang dugmokon ang mga bulak
ug himoong habak sa manok sa sabong.
9. Kasagaran sa mga Sunday Catholics, walay
giapilan nga kalihokan sa Simbahan, nga dapat
uban unta kini sa atong pagtoo ang pagtabang
sa atong simbahan sa mga kalihokan niini
ilabi na ang evangelization ug formation programs.
10. Kasagaran, sa mga Sunday Catholics,
kon mosimba na, santos na kaayo tan-awon,
apan inig uli human sa pagsimba, nagdali ug
ilis kay naghulat na ang mga kaatbang sa tong-its,
sa mahjong ug sa inom. Nagdali ug ilis
kay hapit na magsugod ang sabong.
11. Daghan usab sa kaparian nga nagumon
sa bisyo. Sugarol, palainom, may mga babaye.
Tipik kini sa ilang kahuyang. Tipik kini sa ilang
pagkawala maluto sa ilang pag-training sa
ilang pagkapari.
12. Isip ordinaryong Parokyano, ang atong
mabuhat niini mao ang duot ug kanunay nga
pag-ampo aron makaamgo si Kapitan Obispo
o ang mga palasaway nga mga pari nga unta magbag-o
na. Ug dugang natong iampo ang mga Sunday
Catholics, nga unta kon unsay mapaminaw nga
Homily kada Sunday, inig uli sa balay, puy-an
nila kini nga Homily, ug nga praktison kini una sa pamilya,
ikaduha alang sa komunidad ug alang sa Dios.
Glac & Ms Da Bins, May God be praised !
Linkback:
https://tubagbohol.mikeligalig.com/index.php?topic=23212.0
