Pag-pangabut sa turista
mikunhod og 20%-BCCI
TAGBILARAN CITY, Bohol, October 14 (PIA)—Adunay 20% nga pagkunhod sa pagpangabut sa mga turista dinhi sa Bohol.
Kini maoy gibutyag sa opisyal sa Bohol Chamber of Commerce and Industry (BCCI) nga si Marietta Gasatan, sa South Palms Resort sa Panglao.
Didto sa Wage Hearing nga gidala sa Department of Labor and Employment (DOLE) ug sa Regional Tripartite Wage Productivity Board 7 (RTWPB-7) dinhi sa Bohol, gipahibaw sa kagamhanan ang awhag sa mga pundok sa mga mamumuo sa Sugbo.
Awhag sa Cebu Labor Coalition (CELAC), Lonbisco Employees Organization (LEO), Metaphil Workers Union (MWU) ug UnionBank Employees Association, pag-usbaw sa suholan nga maabut sa P341.75 across-the board, o patung sa minimum nga suholan.
Niini, ang BCCI, kinsa usab nakiglantugi ubay sa duha pa ka hugpong sa mga mamumuo sama sa Panglao Island Chamber of Commerce and Industry ug ang Bohol Association of Hotels, Resorts and Restaurants (BAHRR) mipatin-aw nga ang dugang pang pagsaka sa suholan sa Bohol niining panahona, makaapekto gatud sa mga negosyante.
Matud sa BCCI pinaagi sa ilang Presidente nga si Reginal Ong, kasagaran sa Bohol, mga gagmay nga mga negosyante sa industriya sa turismo, nga apektado usab sa pagkunhod sa tourist arrivals. Matud ni Gasatan, kon natagamtam sa Bohol ang pagsaka sa turista sa pagsira sa Boracay, human sa pagbukas og balik sa nahisgutang isla, kalit usab nga mikunhod ang local nga tourist arrivals.
Daghan nga mga international tour operators nga mibiya na sa Pilipinas dihang ilang nasayran nga limitado na ang mga makasulod sa Boracay, ug nasakit kay naghuwat nga mabuksan kinig balik apan pakyas kay inihap na lang ang alang sa Boracay.
Niini, matud ni gasatan, daghan ang midala sa mga turista ngadto sa Malaysia ug Indonesia, diin may puparehas nga kadagatan sa Bohol.
Gawas sa BCCI ug sa CELAC, ang Bohol Association of Labor Unions miduso usab sa ilang mga awhag.
Usbaw nga P48.30 ang gipangayo sa BALO nga usbaw ibabaw na sa minimum nga suhoan.
Tungod sa kalisud, hangyo sa BCCI nga dili una ipatuman ang mga kalihukan sa pagpahiluna sa inadlaw nga soholan sa mga trabahante ug mamumuo.
AI Engr Allen Varquez usab, presidente sa BAHHR midason sa pahayag ni Gasatan sa pagkunhod sa tourism arrivals. (rahc/PIA-7/Bohol)
Book online travel tickets in Asia, Australia and New Zealand at:
https://12go.asia/?z=3467325Linkback:
https://tubagbohol.mikeligalig.com/index.php?topic=91114.0
