Dala sa social distancing, SSS Bohol
maglimita sa sakop nga serbisyohan
TAGBILARAN CITY, Bohol, May 5 (PIA)—Limitahan na usab ang pagtapok sa mga tawo nga mo-anha alang sa opisyal nga tumong sa Social Security System (SSS) Bohol dinhi sa Tagbilaran City dala sa gipatuman nga social distancing pagpugong sa pagtakboy sa coronavirus disease (COVID).
Matud sa pahibaw nga gipamantala sa SSS Bohol nga sila maglimita na sa kadaghanon sa mga miyembro nga [atong] maserbisyohan matag adlaw.
Sundon na sa SSS ang mosunod nga schedules ug kadaghanon sa tawo nga alagaran: Sa bayad, sa matag Lunes, Martes ug Miyerkoles o sa unang tulo ka adlaw sa semana, 200 ka priority numbers lamang ang ihatag sa mga kliyente.
Sa matag Huwebes ug Biyernes, 100 lamang ka priority numbers and ilang ihatag aron serbisyohan.
Alang sa uban nga mga serbisyo ug transaksyones, matag adlaw, mohatag ang SSS Bohol sa 200 ka priority numbers, aron ilang kaalagaran.
Sa samang higayon, estrikto usab nga ipatuman sa SSS ang palisiya sa pagsul-ob og mask, pagseguro nga napasubay ang social distancing samtang nagpaabut sa tawag ug mahimong responsible sa personal nga kaluwasan samtang naa didto sa buhatan.
Sa mga dugang pangutana ug kasayuran kabahin sa palisiya, tawag sa 412-3934, 501-7055 ug 411-5477 sa landlines ug sa 09516268219, 09516268220 sa Talk and Text, 09263413401 ug 09263413403 sa TouchMobile. (rahchiu/PIA-7/Bohol)
*WORK from HOME and START YOUR OWN blog site, business or personal website, or e-commerce store at
www.dreamhost.comSitemap:
https://tubagbohol.mikeligalig.com/index.php?action=sitemapRSS Feeds:
https://feeds.feedburner.com/tubagboholTweets:
https://twitter.com/tubagboholcomLinkback:
https://tubagbohol.mikeligalig.com/index.php?topic=108573.0
