MikeLigalig.com

Friday, July 29, 2011
 

TAGBILARAN CITY, Bohol, July 29 (PIA) – Pinasidunggang bisita sa Sandugo Street Dancing si Senador Loren Legarda.
Matud pa ni Deputy Mayor Mario Uy, ang gitahasan nga mangulo sa kalihokan sa Sandugo karong tuiga nga gawas ni Legarda, aduna usab bahan sa mga artista gikan sa GMA-7 ang gikatakdang mopahigayon og pasundayag atol sa Street Dancing.

Sigun pa ni Uy, andam na ang tanan alang sa ipahigayon nga Sandugo Street Dancing karong adlaw nga Domingo, Hulyo 31.
Ang Sandugo street dancing manukad sa Tagbilaran Port og mosubay sa dalan Gallares ug moliko sa may dalan J.S. Torralba ngadto na sa CPG Avenue ug moliko na usab sa may dalan Tamblot ning syudad sa Tagbilaran ug mosulod sa likod nga bahin sa CPG Sports Complex.

Gipahayag usab ni Uy nga ang walo ka mga contingents nga magbangga alang sa Sandugo Street Dancing karong Domingo mao ang Antequera, Balilihan, Carmen, Catigbian, Dauis, San Miguel, Bohol Island State University (BISU) ug Holy Name University (HNU).

Ang kalihokan sa Sandugo karong Domingo magsugod sa alas dose sa udto. (PIA-Bohol/ecb)




Linkback: https://tubagbohol.mikeligalig.com/index.php?topic=42607.0