By Ven Arigo
4 ka 'mugbo'g lupad' nahagbong
sa laang sa mga lalake's NBI
-------------------------------------------
Upat ka mga babayeng "mugbo'g lupad" ang nahagbong ngadto sa mga lalakeng ahente diay sa NBI sa Coralandia resort sa syudad sa Tagbilaran kagabii, sumala sa taho sa radyo.
Nasikop usab ang babayeng giingong maoy ilang "bugaw" nga giilang si Rosalina Angalot, taga-Burgos St. sa syudad.
Sagad mga langyawng lalake nga gikan sa mga nasud sa Uropa (Europe) ang kustomer sa upat ka mga prostityut o pampam.
Ang matag usa mopresyo gikan sa P3,000 ngadto sa P4,500, depende sa kaseksi, sumala sa taho ni Willy Maestrado, DYRD reporter.
Pinaagi sa bugaw, nasabot sa taga-NBI nga nagtakuban nga ilang gamiton ang mga "nagbaligya's unod" sa presyong P6,000 kada usa.
Haybol dayon ug niarangkada ang NBI operation sa gisabotang dapit sa Coralandia kagabii.
Sumala sa balita, gihimakak sa bugaw nga ahente siya sa pamaligya'g unod.
Duha sa mga giingong pampam taga-Mindanao.
Bali'g P26,000 nga markadong kuwarta ang gibayad sa NBI ngadto sa bugaw para sa mga babaye ug kilat nga gisikop hasta ang mga prostityut.
Ang prostitusyon usa ka tinubdan sa gikahadlokan nga mga sexually-transmitted disease, nga posibleng mosangpot sa pagdugang sa mga kaso sa HIV-AIDS.
Ang upat ka mga prostityut naglukob dayon sa habol aron dili maladlad ang ilang dagway bisan pa man kon normal kanila ang maghubo kay maoy pangita.
* Today's Helpful Tip *
Tala app is a fast and easy way to borrow money, and it's used and trusted by many. Download Tala to join millions of Filipino users today! >>>
http://inv.re/9o3vpLinkback:
https://tubagbohol.mikeligalig.com/index.php?topic=91525.0
