normal_post - Livelihood Expo - Bohol Latest News Author Topic: Livelihood Expo  (Read 956 times)

MIKELIGALIG.com

  • FOUNDER
  • Webmaster
  • *****
  • avatar_1382_1499847132 - Livelihood Expo - Bohol Latest News
  • Posts: 23454
  • medal1 - Livelihood Expo - Bohol Latest Newsmedal2 - Livelihood Expo - Bohol Latest Newsmedal3 - Livelihood Expo - Bohol Latest News
  • NEED A WEBSITE? email me: info@mikeligalig.com
    • Share Post
clip - Livelihood Expo - Bohol Latest News
Livelihood Expo
« on: August 20, 2019, 01:01:18 AM »
Paitlogon, baktin, luto-anan
sa pan sa Agri livelihood expo

TAGBILARAN CITY, Bohol, August 19, (PIA)—Labaw pa sa kasagaran nga corporate social responsibility (CSR) sa mga kompanya nga nabuhi usab sa kwarta sa katawhan, gibilin sa kompanya nga Pilmico ang upat ka piglet dispersal kits, tulo ka egg machine kits ug tulo usab ka bakery kits, atul sa gipahigayon nga Agri and Livelihood Expo niadtong Agosto 10, didto sa Ubay Bohol.

Didto usab sa agri livelihood expo, nagdala mismo ang Pilmico, usa  ka subsidiary sa Aboitiz Group, sa mga eksperto aron manudlo sa katawhan labi na sa backyard farmers kinsa mga pangandoy mamuhunan sa panguma, sa mga gikinahanglan alang sa malampuson nga negosyo ug sa pagpalahutay niini.

May panudlo didto unsaon pagpamuhi og baboy alang sa pagpaginansya, pagbuhi sa mga manok mangitlogay ug sa pagpasugod sa pagpangluto og pan, agi og pagpalig-on sa ilang mga panginabuhi-an nga gipanghatag.   

Gitunol atul sa usa  ka adlaw nga Agri Livelihood Expo ang mga baktin nga gikan sa Pilmico, ngadto sa mga mag-uuma sa Santo Niño Free Farmers’ Association sa Santo Niño Talibon, Purok 5 Farmers Association sa San Agustin Talibon, sa Mabini Reforestation Multi-purpose Cooperative sa Sitio Mahayag Barangay San Roque Mabini ug sa San Agustin Farmers Association sa San Agustin Talibon. 

Gawas sa mga baktin, gitunol usab sa Pilmico ang Egg Machine nga may 48 ka himongaan apil na ang tuktokon alang sa usa ka cycle.

Midawat niini ang Magsaysay Lower Free Farmers Association sa Magsaysay Talibon, Riceland Multi Purpose Cooperative sa Benliw Ubay, ug sa Matin-ao Vegetable Growers Association sa Matin-ao Sierra Bullones, Bohol.

Sa laing bahin, ang Pilmico, nga nagsugod isip Pillsbury Mindanao Corporation ug tigpanggama sa mga harina, mihatag usab sa bakery starter kits ngadto sa mga Bol-anon.

Gidawat sa Nan-od Agrarian Reform Beneficiaries MPC sa Nan-od Sierra Bullones, sa San Juan Farmers MPC sa San Juan Sierra Bullones ug sa San Jose Wahig Irrigators MPC sa San Jose Sierra Bullones ang bakery livelihood kits.   

Ang Pilmico, dako ug panglantaw sa pagsuporta sa mga mag-uuma pinaagi sa pagpaambit ngadto kanila sa mga sekreto sa pagpatubo sa ginansya, ug pagpaugmad sa lokal nga negosyo sa mga komunidad nga nagpabilin pa sa kawad-on.

Lakip usab sa mga seminars nga gitanyag niadtong adlawa mao ang pagpanghayupan, batakan ug advanced baking demos nga magamit aron makasugod nag negosyo ug  ang pag-atiman sa paitlogan. (rahc/PIA-7/Bohol)

Get FREE 500GB online storage:
https://www.pcloud.com/welcome-to-pcloud/?discountcode=fDiE7jtC01VPbCIygaM67jZV



Linkback: https://tubagbohol.mikeligalig.com/index.php?topic=90625.0
Romans 10:9-10
"If you declare with your mouth, Jesus is Lord, and believe in your heart that God raised him from the dead, you will be saved. For it is with your heart that you believe and are justified, and it is with your mouth that you profess your faith and are saved."

Get FREE 500GB cloud storage:
https://www.pcloud.com/welcome-to-pcloud/?discountcode=fDiE7jtC01VPbCIygaM67jZV



Share via facebook Share via linkedin Share via pinterest Share via tumblr Share via twitter

 

SMF spam blocked by CleanTalk
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2019, SimplePortal