By Rey Tutas
BOKAL ADIONG NAPILING PCL- 7 VICE-CHAIRPERSON
Napili ang pangu sa Philippine Councilors League sa lalawigan sa Bohol nga si Bokal Jescelo Adiong isip Regional Vice-Chairperson sa PCL-Central Visayas.
Sama sa bag-ong pangu sa maong liga sa rehiyon, way kontra ang pagkapili ni Konsehal Adiong sa lungsod sa Loay atul sa piniliay nga gipahigayon niadtong Miyerkules, Nob. 20, didto sa Bai Hotel sa dakbayan sa Sugbo.
Wala sa'y kontra ang bag-ong napili'ng PCL-7 Regional Chairperson nga si Konsehal Raymond Alvin Garcia sa dakbayan sa Sugbo.
Ang bag-ong mga napili'ng opisyal sa PCL-7 mao sila si Roselyn Asok isip Regional Secretary General, Regional Treasurer si Francis Edward Salimbagon, Regional Council Auditor si Ricardo Amores ug Public Relation Officer si Herman January Carballo.
Gawas kang Adiong, laing duha ka konsehal sa Bohol ang napili usab, sila si Maricris Jamora sa Jagna ug Jay Unajan sa Carmen isip Board of Directors.
Ang mibotar sa bag-ong mga opisyales sa PCL-Region 7 mao ang mga opisyales sa city ug provincial chapter sa mga lalawigan sa Bohol, Cebu, Negros Oriental ug Siquijor.
Si Garcia, chairman sa PCL-Cebu City Chapter maoy nihulip kanhi Konsehal ug karon Bise Mayor Earl Oyas sa lungsod sa Catmon, Cebu.
* Today's Helpful Tip *
Tala app is a fast and easy way to borrow money, and it's used and trusted by many. Download Tala to join millions of Filipino users today! >>>
http://inv.re/9o3vpLinkback:
https://tubagbohol.mikeligalig.com/index.php?topic=91560.0
