TUBAGBOHOL.com with Ligalig Mike Ortega

Inside Bohol => Bohol Latest News => Topic started by: mikeortegaligalig on November 22, 2019, 04:23:56 AM

Title: Inosente ko, says Bohol Governor
Post by: mikeortegaligalig on November 22, 2019, 04:23:56 AM
By Ven Arigo
PAMAHAYAG NI GOB. ART YAP
‘Wa ko mahadlok sa suspension kay inosente ko’

Ang akong reaction sa suspension is---wala ko mahadlok sa suspension tungod kay kahibawo ko nga inosente ko. Bisan pa ang mga abogado sa goberno kahibawo pod sila.

Mao nga ang Office sa Solicitor General, ang abogado sa goberno, nagduso ug manifestation sa Supreme Court, ug bisan pa sa Sandiganbayan. Kahibawo sila nga they would not hold me liable. Kay nakita nila nga isip Secretary sa Agriculture kaniadto, dili ako ang naggama sa programa, ang nagdisenyo sa programa, ang namili sa mga NGO partners. Ang mga papeles niagi ra nako maong nakahibaw pod sila.

Wa ko mahadlok sa suspension. 

The suspension is part of the mandatory provision of the law. So, ako, isip usa ka elected public official, mosunod ra ko sa balaod nato. Pero dili buot ipasabot nga bisan pa og na-suspend ko mandatorily, ubos sa balaod, dili man buot ipasabot nga guilty ko.

Kahibawo ko nga inosente ko.

Ang hangyo nako nga sayo-sayo, kon puwede, nga modesisyon na ang Supreme Court ug ang Sandiganbayan, and to please exonerate me and find me innocent. The government lawyer (Solicitor General) finds me innocent. 

Dayon gihapon ang mga meeting kay daghan man ang mga tawo nga gustong makigkita nako. Makigpulong ko sa mga tawo nga gustong makigkita nako, and daghan na man sa mga proyekto nako isip gobernador karon nga ako nang nasugdan,

Mao nga matagaan na kog mga kahigayonan nga mobisita, mosuroy sa kabaranggayan para akong makit-an ang estado, ang implementasyon sa atong programa.

Ang atong programa sa Bohol nga modernization sa mga hospital giapil na nato sa budget. Ang atong pagpalit sa mga road equipment ako nang giapil sa budget. Ang atong gprograma sa tubig nagsugod na.

Sa December 9, moanhi diri sa Bohol si Sec. William Dar para i-launch ang soil and water testing facility nga akong gipangayo sa Department of Agriculture.

Then ang atong programa sa mga food assistance, tungod sa panahon sa habagat, napahuman na nato. Ang tabang nato sa mag-uuma on-going na man karon, paghatag og mga binhi ug mga sure-aid programs nga gikan sa Department of Agriculture ug Landbank of the Philippines.

Ang atong tourism programs daghan. Na-meet na nato ang mga hotel owners, ang mga transportation owners, giayonan nila ang mga programa. Ang atong culture-based tourism nagsugod na pod.

Ang atong Belen ug Daygon Contest, judging niini is from December 1 to 15. So, dayon na man ang atong mga programa.

Mao nga karon gamiton nako ang kahigayonan nga mosuroy, makigkita sa mga lideres, ang atong  mga tawo sa kabaranggayan.  Ako moduol nila para makit-an nako ang mga impact sa mga projects.

Akong i-report ni Acting Gov. Rene Relampagos kon naay panginahanglan nga atong i-amendar ug atong i-modify sa mga proyekto. Atong ipahibaw nila aron nga maaksyonan ni Acting Gov. Rene Relampagos. 

Daghang salamat

* Today's Helpful Tip *
Tala app is a fast and easy way to borrow money, and it's used and trusted by many. Download Tala to join millions of Filipino users today! >>> http://inv.re/9o3vp

Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2020, SimplePortal