Press Release
DUTERTE SIGNS NEW LAW EXTENDING 10 MORE YEARS OF TOURISM ZONE INCENTIVES BASED ON CHATTO LAW
WORLD BANK OPEN TO SUPPORT BOHOL TOURISM
MAY
29
2019
PAGDUMALA SA KADALANAN SA BOHOL GIILA NGA SUMBANAN SA ROAD FUNDING PROGRAM SA NASUD
BY VEN REBO ARIGO
GITUMBOK ug giila sa nasudnong kagamhanan ang Bohol nga maoy sumbanan sa programa sa administrasyong Duterte sa paggasto aron itabang sa kadalanan sa mga probinsiya.
Sumala sa Department of Interior and Local Government (DILG), ang Conditional Matching Grant Program (CMGP) gibasi sa malamposong pagpatuman sa Provincial Road Management Facility (PRMF) Program sa Bohol.
Kini gipadayag atol sa Construction Industry Forum nga gipahigayon sa DILG-CMGP Central Office sa Mezzo Hotel sa syudad sa Sugbo ning adlawa, Miyerkoles, Mayo 29.
Ang forum gitambongan sa mga provincial engineers ug kontraktor gikan sa Rehiyon 6, 7, 8, 9, 11 ug 12.
Matud ni Bohol Prov’l. Engr. Camilo Gasatan, nadasig kaayo sila sa maong pag-ila nga ang CMGP nagsukad sa Bohol ubos ni Gob. Edgar Chatto ug gisagop sa gobernong nasyonal.
Ubos sa CMGP, ang nasudnong kagamhanan mogahin og dakong pondo kada tuig ug kini tumbasan sa mga probinsiya aron iayo ug iugmad sa mga dalang probinsiyal.
Tungod sa national fund counterpart, ang probinsiya makadaginot og pondo kada tuig nga adto na igasto sa ubang importante usab nga proyekto, programa ug serbisyo.
Apan aron masiguro nga di mokunhod ang tinuig nga national CMGP budget, himo-an ni Chatto antg CMGP og kaugalingong balaod sa Kongreso.
Si Chatto napili nga kongresista sa Unang Distrito sa niaging eleksyon.
Ang CMGP mao ang KALSADA Program kaniadto nga gisagop pod sa administrasyong Aquino hangtud nga gipadayon karon apan sa tawag nga CMGP.
Basi gihapon sa road management sa Bohol, ang KALSADA Program unang gimugna sa liga sa mga gobernador pinaagi sa technical working group nga gipangunahan ni Chatto kaniadto.
Book online travel tickets in Asia, Australia and New Zealand at:
https://12go.asia/?z=3467325Linkback:
https://tubagbohol.mikeligalig.com/index.php?topic=90739.0