By Ven Arigo
Posibleng 1000 ka mga Bol-anon
makadawat og libreng hearing aid
POSIBLENG moabot og 1,000 ka mga Bol-anong may diperensiya sa pangdungog ang mahataga'g libreng hearing aid nunot sa programang nagpadayon karon sa Bohol Cultural Center sa syudad sa Tagbilaran.
Kagahapon, 549 ka mga pasyente ang naserbisyohan ug 499 kanila ang nakadawat og mga instrumento sa pangdungog, sumala ni Jopeth Laguna sa Bohol Hearing Clinic.
Apil sa mga libreng serbisyo ang pag-eksamin sa dunggan ug pagsukod ug pagtaud mismo sa mga hearing aid.
Kini gipasiugdahan sa Starkey Hearing Foundation nga nagbasi sa Amerika, kagamhanang probinsiyal ubos ni Gob. Arthur Yap, IDEA Philippines ug Bohol Hearing Clinic, kagamhanan sa syudad sa Tagbilaran ubos ni mayor John Geesnell Yap II, JCI Chocolate Hills, ug Coca Cola.
Nia mismo ang grupo sa Starkey pinangulohan sa Amerikanong founder nga si Bill Austin.
Motapos ang maong kalihukan karong adlawa ug gibanabanang laing subra sa 500 ka mga pasyente ang maserbisyohan ug mahataga’g libreng hearing aid.
(Hulagway: Makita si Starkey founder Bill Aistin nga giinterbyu ni Capitol PRIMER staff Beyj Malicse)
Book online travel tickets in Asia, Australia and New Zealand at:
https://12go.asia/?z=3467325Linkback:
https://tubagbohol.mikeligalig.com/index.php?topic=91249.0
