Usa patay samtang duha angol human aksidente didto sa Albur. - by Joshua Fullido
Patay ang biktima gipaila nga si Ralph John Mumar, 18 anyos, taga brgy. Tagbuane , Albur nga nakaangkon ug grabeng bun-og sa ulo nga maoy nakaingon sa hinanaling kamtayon , samtang ang driver sa multicab gipaila nga si Adriano Genovia Sr. , 52 anyos, minyo , ug ang sakay niini nga si Adriano Genovia Jr. , 28 anyos, ulitawo , nga taga brgy. Alegria sur , Loay nga pulos nakaangkon ug pangos ug bun-og sa lawas.
Matod pa ni PO3 Rodel Aguipo Albur Pnp nga nahitabo ang aksidente pasado alas 5:30 sa buntag kagahapon nga nagmaneho sa rusco nga multicab si Genovia gikan sa ilaha unya paingon unta dinhe sa dakbayan apan pag-abot didto sa Tagbuane bridge , kalit lang kining nawad-an ug control gumikan sa dangog nga kalsada nga nakaingon nga nabanggaan niya si Mumar nga naglakaw didto sa maong dapit.
Nahagbong ang multicab sa tulay ug naapil usab ang biktima nga nakaingon nga gidali dayon kini pagrescue ug gidala sa tambalanan.
Tungod sa grabeng angol nga naangkon ni Mumar wa madugay nabugtuan kini sa hinuwam nga kinabuhi samtang gumikan sa mga gagmay angol nga naangkon sa duha , gipapauli ra kini sa mga doctor.
FB Photo
Save the link
https://tubagbohol.mikeligalig.comLinkback:
https://tubagbohol.mikeligalig.com/index.php?topic=89878.0