Diyalogo sa Davao nga gisalmotan sa Bohol kabahin sa national action plan
Ang diyalogo nga gisalmotan sa mga lider sa Bohol ug tibuok Kabisay-an didto sa Davao sa niaging semana mahimong kabahin sa nasudnong action plan sa kalinaw ug kaugmaran, sumala ni DILG Sec. Ismael Sueno.
Ang mga plano sa mga aksyon nga himoon sa kaprobinsiyahan human sa diyalogo mahinungdanon usab sa sosyal nga kaayohan, matud sa kalihim.
Nagkanayon si Sueno nga kini may kalabotan usab sa init nga kampanya sa administrasyong Duterte batok sa ginadiling drugas.
Didto uban kang Gob. Edgar Chatto ug mga mayor ang kadagkuan sa kapolisan sa Bohol ug rehiyon pinangulohan ni PNP Regional Director Noli Talino.
Apan matud ni Talino, dili sakto ang statistics ug angayng usbon ang sumbanan nga awtomatik nga mag-ila sa barangay isip drug-affected bisag aduna lay usa ka molupyo niini nga drug user.
Kini maoy hinungdan nga sama sa ubang probinsiya, taas ang drug-affectation sa Bohol kay gilista man dayon nga drug-affected ang barangay bisag usa lang ang drug user niini, sumala sa PNP.
Linkback:
https://tubagbohol.mikeligalig.com/index.php?topic=82858.0