MikeLigalig.com

Maayong gabie, Bohol.

Gabie, gipahibaw ta sa Bohol Provincial PCR Laboratory nga adunay 1 sa APOR sa Panglao, 3 ka LSI sa Baclayon, 2 ka LSI sa Loboc, 1 ka LSI sa Pilar, 1 ka lumulupyo sa Loay, 1 ka lumulupyo sa Tubigon, 1 ka lumulupyo sa Ubay, 14 ka lumulupyo sa Sierra Bullones ug 1 ka LSI sa Loon ang nagpositibo sa RT-PCR Test. Ang mga pasyente nga taga Tubigon, Sierra Bullones, Loay ug Ubay, walay travel history, dili LSI o OFW apan pipila kanila ang produkto sa atong nagpadayon nga contact tracing. Nagpabilin nga gi-isolate ang mga pasyente sa ilang Municipal Isolation Facility.

Karong adlawa, ang DOH nagpahibaw nato nga adunay usa ka LSI nga taga Loon ang nagpositibo sa RT-PCR Test. Nagpabilin nga gi-isolate ang maong pasyente sa Isolation Facility sa maong lungsod.

Sa laing bahin, adunay usa ka lumulupyo sa Corella ug usa ka lumulupyo sa Ubay ang nagpositibo sa RT-PCR Test ug nakabsan sa ilang kinabuhi. Tungod niini, nikabat na sa 10 ang kamatayon nga adunay kalambigitan sa COVID-19 dinhi sa atong lalawigan. Sa pagka-karon, aduna kitay 76 ka active cases ug 391 ka recovered cases. Ato ng gipahibaw ang mga Mayor sa nahisgutang lungsod ug nagpadayon usab ang atong contact tracing sa mga bag-ong kaso pinaagi sa PHO, DOH, PNP Contact Tracing Team ug RHU sa matag lungsod.

Pahinumdom alang sa tanan: dili ta angay mokumpyansa. Sundon gihapon nato ang atong mga protocols, panalipdan nato ang atong kaugalingon ug atong pamilya.

Daghang salamat. God save Bohol.


*Work from HOME and launch your own Wordpress blog, business or personal website, or online store at www.dreamhost.com Yes, FREE Wordpress migration from your existing web host.

START your OWN blog site, business or personal website, or e-commerce store at www.fastcomet.com - FREE service to transfer your website from your current webhosting provider.

Latest RSS Feeds



Linkback: https://tubagbohol.mikeligalig.com/index.php?topic=116482.0