COVID COMMUNITY TRANSMISSION HITS TALIBON AND BIEN UNIDO
Maayong gabie, Bohol.
Adunay duha ka bag-ong kaso nga natala dinhi sa atong lalawigan. Ang usa taga Talibon samtang laing usa taga Bien Unido. Walay travel history ang duha, dili LSI o OFW ug dili usab produkto sa contact tracing. Gi-classify nato kini as Community Transmission. Mao kini ang report nga atong nadawat gikan sa DOH.
Ang taga Talibon, gi-admit sa Garcia Memorial Provincial Hospital niadtong July 27, 2020 ug gi-isolate na sukad sa admission hangtod karon. Nahuman na pud ang contact tracing sa kaso ug ang tanang naka-close contact sa pasyente naka-isolate na usab.
Ang taga Bien Unido, nanganak didto sa Don Emilio Del Valle Memorial Hospital sa Ubay niadtong July 27, 2020. Gihilantan siya pagka July 28, mao nga gikuhaan ug swab samples. Padayon nga gi-isolate ang pasyente ug ang tanang naka-close contact sa pasyente, gi-isolate na ug nahuman na usab ang contact tracing sa kaso.
Mga kaigsuonang Bol-anon, karon nga nagkadaghan ang atong community transmission kinahanglan gyud ta magbantay. Pagpuyo sa balay kung walay lakwon. Disiplina sa kaugalingon ang importante. Sundon nato ang minimum health standards. Ayaw kalimot pagsul-ob sa face mask, atong i-observe ang social distancing ug magbaton ta kanunay sa kalimpyo.
Sa tanang mga Mayor, mga Chief of Police, mga Kapitanes ug tanang Brgy. Officials, striktohon nato ang pagpatuman sa atong mga protocols ug polisiya.
Daghang salamat. God save Bohol.
----- GOV. ART YAP-----
*WORK from HOME and START your own blog site, business or personal website, or online store at
www.dreamhost.comLinkback:
https://tubagbohol.mikeligalig.com/index.php?topic=114653.0
