CHED nanawat na pod og aplikasyon sa scholarship
Tagbilaran City, Bohol, May 4, 2020 (PIA)—Manawat na usab ang Commission on Higher Education (CHED) sa mga aplikasyon alang sa CHED Scholarship Program (CSP) alang sa mga mosulod og unang ang-ang sa kolehiyo o kadtong mitapos sa high school sa academic year 2020-2021, ug sa panahon sa social distancing dala sa coronavirus disease, bisan na ngani pinaagi sa online.
Pinaagi sa Republic Act No. 7722, ang CHED natahasan sa pagtanyag og tabang pinansyal sa mga kabus pinaagi sa mga scholarships alang sa kwalipekado ug angayan nga mga estudyante, ilabi na kadtong gikan sa mga nahikawan ug mga walay panimalay ubos sa RA No. 7279, mga tawo nga may kabilinggan sa kinabuhi (Persons with Disability (PWDs) ubos sa napabag-o nga RA 7277, o sa Solo Parents and or their Dependents Act ubos sa RA 8972, ang Senior Citizens Act ubos sa RA 9994, ug sa Indigenous Peoples Act ubos sa RA 8371.
Segun pa sa pahayag nga gipaambit sa CHED, nagsugod ila og panawat sa mga aplikasyon niadtong Marso 1, 2020 hangtud sa Mayo 31, 2020, diin may 2,467 ka scholarship slots ang ilang buksan.
Sa pakete sa ilang Financial Benefits matag tuig sa skolar, ng full scholar ubos sa RA 10931 kon adto moeskwela sa State Universities, libre sila ug may stipend nga mokabat sa P40 mil.
Sa half scholar ubos sa RA 10931, libre sila sa State Universities ug may P20 mil sila nga stipend.
Kon adto sila motunghan sa pribadong nga mga tinghaan, mapailawom sila sa Private Education Student Financial Assistance Program (PESFA) kon full scholar, may P20 mil sila lanag sa tuition and other school fees (TOSF) samtang may P40 mga stipend.
Kon half scholar ug adto sila sa Pribadong tunghaan, may P10 mil silang pang tuition ug ubang bayranan sa eskwelahan ug may P20 mil nga stipend.
Kinsa ang mga kwqalipekado?
Ang aplikante nga estudyante kinahanglang mosunod sa mga kriteria alang moqualify sa scholarship grants: una, kinahanglang Filipino Citizen, ikaduha, graduating high school nga may general weighted average (GWA) sa labing menos 90% o katumbas niini nga makuha pinaagi sa Grado sa Grade 11 (kon nakahuman sa Grade 11, pun-an sa unang semester sa Grade 12 nga kwentahon sa GWA sa Grade 11 pun-an sa GWA sa Grade 12, bahinon sa katulo ug i-multiply sa 70%.
Kon nakahuman na sa Grade 12, ang GWA sa Grade 12 i-multiply sa 70% ang gamiton.
Ikatulo, kinahanglag ang kinatibuk-ang kita sa ginikanan dili molapas sa Php 400,000.00, unya makapakita sa sinuwat nga certification o medical findings sa sakit sa sakop sa banay, o school certifications nga may duho o sobra pa ka dependents nga naka enroll sa kolehiyo.
Ilka upat, ang student-applicants nga nalakip sa special groups sama sa Underprivileged and Homeless Citizens ubos sa Republic Act No. 7279, Persons with Disability (PWDs) ubos sa RA No. 7277, solo parents and/or their dependents ubos sa RA 8972, Senior Citizens ubos sa RA 9994 ug sa Indigenous People ubos sa RA 8371 magpakita og certifications o Identification Cards (IDs) nga gihatag sa tukmang mga ahensya nga naggunit kanila.
May mga kuros usab nga tumbok sa CHED alang sa ilang scholarships.
Kadtong interesadong aplikante kinahanglang moduso sa ilang Certified true copy sa Birth Certificate, High school report card alang sa mosulod nga freshmen students ug duly certified true copy sa grado sa Grade 11 ug 1st semester sa Grade 12 alang sa graduating high school students.
Aron pagmatuod sa kapasidad pinansyal sa banay, ang aplikante moduso sa labing bag-o nga Income Tax Return (ITR) sa ginikanan o guardian, Certificate of Tax Exemption gikan sa Bureau of the Internal Revenue (BIR); Certificate of Indigence gikan sa Barangay o Department of Social Welfare and Development (DSWD); ug Case study report gikan sa DSWD; ug ang labing bag-o nga kopya sa contract o proof of income alang sa mga anak og Overseas Filipino Workers (OFWs) ug mga seaman.
Ang tanan nga aplikasyon i-address ngadto sa labing duol nga CHED Regional Offices mahimong bitbiton ug itunol, email o ipadala sa courier.
Ang CHED scholarship application form makuha sa CHED Regional Offices (CHEDROs), or madownload sa CHED website:
https://ched.gov.ph/wp-content/uploads/CHED-Scholarship-Application-Form.pdfI-fill-up kini ug iduso sa uban sa gipangayo nga mga dokumento ngadto sa CHEDROs kansang mga tunghaan napailawon niini.
Kon ang application giduso online, ang forms lakip ana ng mga dokumentos ipasa ngadto sa CHEDRO sa PDF format, kay kini itandi pa usab sa mga orihinal nga dokumento kon gikinahanglan.
Kon online, moa kini ang tamdanan: Pangitaa diin’g rehiyon masakop sa CHED ang imong eskwelahan, i-click ang link sa tukmang CHED Regional Office (CHEDRO), sunda ang mga pahimangno didto, dayon i-submit ang aplikasyon. (rahchiu/PIA-7/Bohol)
*WORK from HOME and START YOUR OWN blog site, business or personal website, or e-commerce store at
www.dreamhost.comSitemap:
https://tubagbohol.mikeligalig.com/index.php?action=sitemapRSS Feeds:
https://feeds.feedburner.com/tubagboholTweets:
https://twitter.com/tubagboholcomLinkback:
https://tubagbohol.mikeligalig.com/index.php?topic=108380.0
