MikeLigalig.com

Press Release
Dili na kinahanglan nga mopailalom ang mga turista nga moadto sa Bohol sa quarantine sa ilang pag-abot tungod kay giisip sa mga awtoridad nga “imposible” ang pagpatuman sa health protocol kung malampuson ang probinsya sa pag-abli og usab niini sa industriya sa turismo.

Miingon si Provincial Administrator Kathyrin Pioquinto sa usa ka virtual press briefing kaniadtong Biyernes, Nobyembre 6, nga kinahanglan na lang nga magsiguro sa mga turista ang negatibong resulta sa ilang polymerase chain reaction (PCR) test 72 ka oras o tulo ka adlaw bag-o ang ilang pagsulod sa probinsya.

Pwede usab sila makadesisyon nga i-swab sa ilang pag-abot sa Bohol apan kinahanglan na sila ma-quarantine samtang naghulat alang sa ilang mga resulta sa PCR test. Dugang niini, kinahanglan usab sila nga sulayan sa ikalimang adlaw kung magpabilin sila sa probinsya sobra sa lima ka adlaw.

Matod kang Pioquinto, dili kuno posible nga maabli og balik ang turismo sa probinsya kung kinahanglan pa i-quarantine ang mga bisita sa ilang pag-abot.

“Based on the discussion while we were talking about the IRR for the new normal together with the Provincial Tourism Council and other stakeholders, they’re saying it’s really impossible to reopen tourism in Bohol if you are required a five-day quarantine,” ingon sa administrator.

Gikatakda ang Bohol nga ablihan pag-usab sa mga turista sa Nobyembre 15 pinaagi sa gitawag nga “tourism bubble,” usa sa daghang klase niini nga ilansad sa ubang mga sikat nga destinasyon sama sa Boracay ug Palawan.

Apan, giasoy ni Pioquinto nga ilang unang tutukan ang aktibidad o kalihokan sama sa meetings, incentives, conferencing, and exhibitions (MICE) bag-o pa sila modawat og mga gagmay nga grupo or indibidwal.

“Pursuant to your [Gov. Art Yap] pronouncement that in order to build confidence we will start with MICE before we totally open to individuals,” ingon niya.

Mipahayag usab ang opisyal nga daghang mga grupo ang nagpahayag og interes nga ipadayon ang mga kalihokan sa MICE sa probinsya sama sa mga convention og mga meeting.


*Work from HOME and launch your own Wordpress blog, business or personal website, or online store at www.dreamhost.com Yes, FREE Wordpress migration from your existing web host.

START your OWN blog site, business or personal website, or e-commerce store at www.fastcomet.com - FREE service to transfer your website from your current webhosting provider.

Latest RSS Feeds


Linkback: https://tubagbohol.mikeligalig.com/index.php?topic=116657.0