By Ven Arigo
Pila nay populasyon sa Bohol?
Bag-ong census himoon
Tubagon sa census sa sunod tuig ang pangutana kon pila nay labing ulahing populasyon sa tibuok probinsiya sa Bohol.
Ang umaabot nga bag-ong ihap sa populasyon ug kabalayan himoon sa Mayo 2020.
Gibanabanang nilapas na sa 1.3 milyones ang populasyon sa Bohol---ug subra pa niini ang mga turista kada tuig.
Ang pagpahigayon niini gituki sa miting sa Provincial Census Coordinating Board (PCCB) sa kapitolyo kagahapon, Lunes, Nob. 18.
Sa ngalan ni Gob. Arthur Yap, ang tigom gitambongan ni Provincial Administrator Kathyrin Fe Pioquinto samtang ang Philippine Statistics Authority sa Bohol gipangunahan ni Jessamyn Alcazaren.
Ang population-housing census sa tanang barangay sa Bohol madungan sa census sa tanang ubang lalawigan sa nasud.
Magsilbeng census enumerator ang mga magtutudlo sa pangpublikong eskwelahan ubos sa Department of Education.
Mahinungdanon ang census sa pagplano ug pagpatuman sa mga programa'g serbisyo, ilabina ang direktang moapekto sa katawhan ug kahimtang sa pamuyo. (Glaiza Comendador, PRIMER)
* Today's Helpful Tip *
Tala app is a fast and easy way to borrow money, and it's used and trusted by many. Download Tala to join millions of Filipino users today! >>>
http://inv.re/9o3vpLinkback:
https://tubagbohol.mikeligalig.com/index.php?topic=91530.0
