BALIK NA SA TRABAHO SI GOBERNADOR ART YAP SUGOD KARONG ADLAWA
Opisyal na nga mobalik sa trabaho karong adlawa, Pebrero 18, si Gobernador Art Yap human niya silbihi ang iyang 90 ka adlaw nga preventive suspension.
Kini ang gikonpirmar ni Provincial Administrator Atty. Kathryn Pioquinto sa DyRD Balita.
Sa pagbalik ni Gob. Yap sa trabaho sa Kapitolyo, adunay mga nakahan-ay nga mga kalihukan nga pangunahan niini.
Kini ang balaang misa sa may alas 8 y medya karong buntag diha sa bag-ong Kapitolyo.
Si Pioquinto miingon nga itugyan usab ni Yap ang mga motorsiklo ngadto kang Bien Unido Mayor Rene Borenaga ug Garcia Hernandez Mayor Tita Baja.
Itugyan usab sa gobernador ang P50 mil pesos nga pahalipay sa mga bol-anong mananaog sa SouthEast Asian Games(SEA Games).
Lagdaan usab niya ang confederation agreement tali sa mga tourist transport operators.
Nakatakda usab siyang makigtigom sa tanang miyembro sa Provincial Disaster Risk Reduction and Management Council (PDRRMC) karong hapon.
* Today's Helpful Tip *
Tala app is a fast and easy way to borrow money, and it's used and trusted by many. Download Tala to join millions of Filipino users today! >>>
http://inv.re/9o3vpLinkback:
https://tubagbohol.mikeligalig.com/index.php?topic=92152.0