MikeLigalig.com

TESDA online Program gitanyag libre sa 2020

TAGBILARAN CITY, Bohol, May 7, 2020 (PIA) – Alang sa mga kabatan-onan nga gipul-an na sa ilang kinabuhi ilabi na kay napugos sa pagpabilin sa balay tungod sa gipatuman nga curfew batok sa coronavirus disease, ania’y talagsaon nga kahigayunan nga gitanyag ang nag-unang institusyon nga nagtutok sa technical nga bansay sa katakus sa mga tawo sa nasud aron mahimong mas produktibo.

Ang programa, nga gitawag og Technical Education and Skills Development Authority (TESDA) Online Program may pinahaum nga mga kurso alang sa lapad nga kapili-an sa mga estudyante nga karon napugos sa pagpuyo ug pagdangop na lamang sa internet alang sa ilang pagpalabay sa panahon, segun pa sa TESDA Bohol.

Tungod sa naagi-an nga enhanced community quarantine ug sa karon nga general community quarantine nga nagpugong sa mga tawo sa paglakaw, gisuspenso na usab sa TESDA Bohol ang atong skills trainings ug assessments sa tibuok lalawigan.

Gani, sa TESDA, ang atong mnga empleyado misagop na usab sa eskema nga adto una magtrabaho sa balay, samtang gikan na didto silang magkab-ot sa atong mga kaigsoonan nga customers, mga institusyong kaabag ug mga ahensya nga katambayayong, aron mapadayon ang atong mga buhat gamit ang digital nga channels.

Apan, walay angay kabalak-an ang kadtong buot nga dili magpundo ang ilang kahibaw ug katakus kay ang TESDA Online Program, segurado nga may kurso nga haum gayud sa us aka tawo, pasalig sa TESDA.   

Alang sa libre nga mga kurso, kinahanglan lamang nga moregister ug molog-in sa www.e-tesda.gov.ph, mopili ug moenrol sa kurso nga gusto bansayon, tumanon ang schedules sa mga bansay sa kurso nga napili aron makakuha og Certificate of Completion.

Aron ma enroll, moregister og account pinaagi sa https://e-tesda.gov.ph unya sundon na ang pamaagi aron maenrol. Kinahanglan usab nga maandam na ang us aka buhi nga email nga maoy gamiton sa pagparehistro ug pagpaenrol.

Kon pananglit ang kurso nga napili, apil niadtong mga kurso nga napailawom sa National Certifications (NC) Qualification, kinahanglan nga humanon ang tanang units sa gikinahanglang katakus o competencies.

Kon matapos na kini, inig ka human sa kwarantina, dali og adto tanda sa labing duol nga TESDA Accredited Assessment Center aron mapailawom sa National Assessment ug makakuha sa National Certificate.

Ang han-ay sa mga online nga kurso nga libre alang sa 2020 mao ang mosunod:

Sa panguma (AGRICULTURE): Fruit Grower, sa Pangmekaniko (AUTOMOTIVE): Automotive Battery Servicing ug Diesel Engine Tune-Up, sa ELECTRICAL ug ELECTRONICS: Solar Night Light Assembly ug Cellphone Servicing.

Sa natad sa pamuhunan (ENTREPRENEURSHIP): Star Online Training Program 1, Star Online Training Program 2, Pagdumala sa Personal nga galastohan, ug Start and Improve Your Business (SIYB)

Sa HUMAN HEALTH / HEALTH CARE, makuha ang NC II: MASSAGE THERAPY (BETA), Course 1: Fundamentals of Massage Practice, Course 2: Fundamentals of Massage Therapy, Course 3: Swedish Massage, Course 4: Shiatsu Massage.

Sa HEATING, VENTILATION, AIR CONDITIONING, AND REFRIGERATION, makuha nga libre ang Package Air Conditioner Unit Servicing.

Sa INFORMATION AND COMMUNICATION TECHNOLOGY ug ICT COURSES, tua didto ang Basic Computer Operation, SMART Android Mobile Apps Development for Beginners, SMART Technopreneurship 101, Web Development using HTML5 and CSS3 lakip na ang MICROSOFT ONLINE COURSES sama sa GAME DEVELOPMENT, Developing 2D games with HTML5, Game Production Basics, Developing 2D and 3D games with Unity, C# Fundamentals for Beginners, Software Development Fundamentals

Sa UDACITY – GOOGLE COURSES, tua ang Android Development for Beginners, UX Design for Mobile Developers, sa UDEMY COURSES, tua usab ang Android 4.0 Programming in Java.

Gitanyag usab ang LIFELONG LEARNING SKILLS sama sa Job Interview Skills Training Course, How to Build Confidence in Your Abilities, u gang Skills to Succeed Academy.

Kadtong ganahan sa MARITIME COURSES, makuha nga libre didto ang Ship’s Catering NC III (update).

Alang sa SOCIAL, COMMUNITY DEVELOPMENT AND OTHER SERVICES, tuay slots alang sa Beauty Care Services (Nail Care) NC II samtang sa TOURISM, tua ang BREAD AND PASTRY PRODUCTION NC II, Preparing Cakes (1 – 4), COOKERY NC II, PREPARE AND COOK HOT MEALS, Preparing Stocks, Sauces and Soups (1 of 7), Preparing Poultry and Game Dishes (2 of 7), Preparing Seafood Dishes, Preparing Egg Dishes, Preparing Starch Dishes, Preparing Vegetable Dishes, Preparing Meat Dishes.

Makuha usab ang COLD MEALS COURSES sama sa Preparing Salads and Dressing, Preparing Sandwiches ug Preparing Appetizers, PREPARE SWEETS sama sa Preparing Desserts.

Sa FOOD AND BEVERAGE SERVICES NC II, tua didto ang libre nga Introduction to Food and Beverage Service (Beta) 1 of 3 Updated, Providing Table Service (Beta) 2 of 3 Updated, Providing Room Services (Beta) 3 of 3 Updated.

Sa HOUSEKEEPING NC II, mabansay didto sa online ang Providing Housekeeping Services (Beta), Providing Guest Room Services (Beta), Providing Valet Services (Beta), Providing Laundry Services to Guests (Beta), Providing Public Area Services (Beta), Dealing with Intoxicated Guest (Beta), ug Front Office Services NC II.

May libre usab nga curso alang sa 21ST CENTURY SKILLS, diin ditto may ENVIRONMENTAL LITERACY nga nagtutok sa Orienting Oneself to Environmentally Sustainable Work Standards, Exercising Sustainable Development in the Workplace.

Libre usab ang WORKPLACE COMMUNICATION (BETA), Receiving and Responding to Workplace Communication ug ang Participating in Workplace Communication.

Sa natad sa Technical Vocational Education ug Training (TVET), libre ang Trainers Methodology I, ug ang Trainers Methodology II.

Alang sa dugang kasayuran, pag-email ngadto sa [email protected] o tawag sa inyong labing duol nga TESDA Training Center o sa mga Tesda accredited schools nga duol kaninyo. (rahchiu/PIA-7/Bohol)

*WORK from HOME and START YOUR OWN blog site, business or personal website, or e-commerce store at www.dreamhost.com

Sitemap: https://tubagbohol.mikeligalig.com/index.php?action=sitemap

RSS Feeds: https://feeds.feedburner.com/tubagbohol

Tweets: https://twitter.com/tubagboholcom



Linkback: https://tubagbohol.mikeligalig.com/index.php?topic=109140.0