HAPPENING NOW: Weekly press conference at the Ceremonial Hall at the New Capitol Building.
Gov. Art Yap reports to the public the following:
1. Sa mga nanglabay nga mga adlaw, atong gireport ngadto sa katawhang Bol-anon ang mga nagpositibo sa COVID-19 dinhi sa atong lalawigan. Duha ka isla ang padayong gipaubos sa lockdown hangtod karong orasa: ang isla sa Malingin sa Bien Unido ug isla sa Guindacpan sa Talibon. Ang Isla sa Malingin, Bien Unido adunay 23 ka total positive cases samtang ang isla sa Guindacpan adunay 48 ka total positive cases.
2. Aduna puy 4 ka nagpositibo sa Brgy. Puting Bato, Buenavista. Sa pagka-karon, tulo ka sitio sa maong barangay ang gipaubos sa lockdown base sa kamandoan ni Mayor Dave Duallo.
3. Gipakusgan nato ang seguridad sa maong mga lugar apil na ang pagbantay sa atong mga baybayon. Sa isla sa Malingin, adunay 33 ka pulis ug 14 ka military ang padayong nagbantay sa seguridad sa maong isla, lakip na niini ang seaborne patrol unit nga nagbantay sa kadagatan. Sa isla sa Guindacpan, 26 ka pulis ang atong gi-deploy sa maong isla lakip na usab niini ang seaborne patrol unit samtang nagdeploy usab mga CAFGU ug auxiliary unit didto sa Brgy. Puting Bato, Buenavista aron sa pagsecure sa area ug pagsiguro nga walay makasulod ug makagawas gikan sa mga lugar nga nagpabiling gilockdown.
4. Ang kagamhanang probinsyal, nagpadala na ug 630 ka food packs sa isla sa Guindacpan ug laing 347 ka food packs sa isla sa Malingin. Magpadala usab kita ug 300 ka hygiene kits ug supply sa gatas para sa 50 ka mga bata sulod sa 30 ka adlaw as requested by Mayor Duallo para sa Brgy. Puting Bato.
5. Ganinang Buntag atol sa Weekly Mayors’ Meeting, atong nasabutan nga adunay upat ka tahas nga angayan natong pakusgan. First, ensure sufficient physical presence of PNP personnel in most affected island barangays. Second, increase maritime patrol. Third, utilize Bantay Dagat and Bantay Bayan volunteers for coastal spotters. Lastly, ensure preparation of land units to intercept illegal entrants and local violators of health protocols.
6. Ato usab gipahinumdoman ang mga Mayor kabahin sa pakigbatok sa Dengue. Ang atong lalawigan nakatala na ug 2,757 ka mga kaso sa dengue ug 13 ka kamatayon gika n sa Enero 1 hangtod Agosto 27 karong tuiga. Gi-awhag nato sila nga molihok aron dili modaghan ang kaso sa dengue sa atong lalawigan ug aron dili kini mokumpetensya sa atensyon ug hospital bed capacity nga angayan natong andamon para sa COVID-19.
7. Kabahin sa Rice Distribution: 55,520 ka pamilya na ang nakadawat sa atong walo ka kilong bugas. Nahuman nata sa pagpang apod-apod sa lungsod sa Baclayon, Corella, Alicia, Guindulman, Duero, Batuan, Bilar, Albur, Sevilla ug atong gitiwas ang pagpanghatag sa lungsod sa Loon karong semanaha. Isunod nato sa moabot nga adlaw ang lungsod sa Loboc. Ang importante, apil pod ang pag distribute nato sa Bohol Contact Tracing Card sa kada pamilya nga naka dawat sa bugas, og magamit kini sa umaabot nga mga adlaw sa mas lig-on nga contact tracing and monitoring nato contra Covid 19.
8. Kabahin sa atong LSI, OFW Arrivals as of August 28, 2020:
-15,840 na ka mga LSI ang niabot sa atong lalawigan. 11,817 nila ang nakahuman na sa ilang 14-day mandatory quarantine.
- 4,632 na ka mga OFW ang niabot sa atong lalawigan, 2,696 nila ang nahuman na sa ilang 14-day mandatory quarantine ug nakauli na sa ilang tagsa-tagsa ka pamilya.
9. Kabahin sa COVID-19 Cases sa atong lalawigan: ang Bohol adunay 87 ka active Cases apil na niini ang 74 ka local transmission, 109 recoveries ug 7 ka kamatayon. Nagpadayon usab ang atong pagcontact trace sa mga bag-ong kaso pinaagi sa PNP Contact Tracing Team, DOH, PHO ug mga Rural Health Units sa matag lungsod.
Mga kaigsounang Bol-anon, magpabilin ta nga magmabinantayon ug sundon nato ang minimum health standards sa kanunay: Wear Mask, Wash Hands and Keep Distance. Daghang salamat.
*WORK from HOME and START your own Wordpress blog, business or personal website, or online store at
www.dreamhost.com Yes, FREE website transfer
3 Sites Will Make Your Life Easier During Covid Pandemic
www.nordvpn.com - Browse the Internet fast and anonymously and without trace. Unlock blocked sites.
www.kaspersky.com - Download Kaspersky anti-virus to secure your smartphones and laptops. Protect your privacy and financial data from hackers.
www.microsoft.com - Store all your files in the cloud with Microsoft OneDrive's 1TB storage offer.
rss feedsLinkback:
https://tubagbohol.mikeligalig.com/index.php?topic=115588.0
